బిగ్‌బాస్‌ రియాల్టీ షో ద్వారా స్టార్‌డమ్‌ సంపాదించిన కౌషల్‌, తనను పెంచి పోషించిన కౌషల్‌ ఆర్మీ కారణంగా ఎన్ని చిక్కుల్లో పడ్డాడో తెలిసిన సంగతే. ఎంత ఫాస్ట్‌గా ఇమేజ్‌ వరించిందో, అంతకన్నా ఫాస్ట్‌గా డ్యామేజ్‌ కూడా అయ్యింది కౌషల్‌కి. నాకొద్దీ రాజకీయం.. నా కొద్దీ ఇమేజ్‌.. నన్ను నాలా నా ఫ్యామిలీతో కలిసి బతకనివ్వండి మొర్రో.. అంటూ ఈ మధ్య కౌషల్‌ మీడియా ముఖంగా అర్ధించిన సంగతి కూడా తెలిసిందే.
ఇదిలా ఉంటే, తాజాగా కౌషల్‌ టీడీపీ అధినేత చంద్రబాబును కలిసిని విషయం తెరపైకి రావడంతో మళ్లీ లొల్లి మొదలైంది. గతంలో కౌషల్‌కున్న స్టార్‌డమ్‌ని చంద్రబాబు తన ప్రచారానికి వాడుకోవాలనుకుంటున్నారన్న ప్రచారం జరిగింది. అప్పటికింకా కౌషల్‌కి ఇంతటి డ్యామేజ్‌ జరగలేదు. కానీ ఇప్పుడున్న పరిస్థితుల్లో కౌషల్‌కి తన ఇమేజ్‌ని వాడుకోక తప్పడం లేదు.
రాజకీయాల్లోకి ఎంట్రీ ఇవ్వక తప్పడం లేదనుకోవాలి. చంద్రబాబు నాయుడితో భేటీ తర్వాత తాజాగా కౌషల్‌ టీడీపీలో చేరినట్లు తెలుస్తోంది. అయితే కౌషల్‌ నెక్స్ట్‌ ఏంటీ.? టీడీపీ తరపున ప్రచారం మాత్రమే చేస్తాడా.? లేక రానున్న ఎలక్షన్స్‌లో కూడా పోటీ చేస్తాడా.? అనేది తెలియాల్సి ఉంది.
