తెలంగాణా వార్తలు, విశేషాలు ఎప్పటికప్పుడు అందించే V6 ఛానెల్ అంటే ఎక్కువగా గుర్తొచ్చేది 'తీన్మార్ వార్తలు' ప్రోగ్రాం. 'శివ జ్యోతి' అలియాస్ 'సావిత్రి' మరియు 'చేవెళ్ల రవి' అలియాస్ 'బిత్తిరి సత్తి'.. అక్క తమ్ముల్లుగా తెలంగాణా ప్రేక్షకులను ఆకట్టుకున్నారు. ఎలాంటి వార్త అయినా అందరికీ అర్ధమయ్యే విధంగా సరళంగా తెలంగాణ యాసలో చెప్పి అందరి ఫేవరేట్ యాంకర్స్ గా నిలిచారు వీళ్లిద్దరు.
ముఖ్యంగా టాలెంటెడ్ 'సత్తి'కి విపరీతమైన క్రేజ్ వచ్చేసింది ఈ ప్రోగ్రాం ద్వారా. మొదట్లో అసిస్టెంట్ డైరెక్టర్ గా మీడియా ఇండస్ట్రీకి వచ్చిన సత్తి చివరకు V6 లో టాప్ యాంకర్ గా సెటిల్ అయ్యాడు. అయితే తాజాగా ఈ ఇద్దరు V6 ఛానల్ కు షాక్ ఇచ్చారు. బిగ్ బాస్ కు సెలెక్ట్ అయిన 'శివ జ్యోతి' V6 ను వదిలేసి దాదాపు 5 వారాలు కావొస్తుంది. ఇక తాను కూడా V6 కి గుడ్ బై చెప్తున్నట్టు కొద్ది రోజుల క్రితమే సోషల్ మీడియా ద్వారా తెలిపాడు 'సత్తి'. కానీ మళ్ళీ ఏ ఛానెల్ లో చేరుతాడన్నది మాత్రం చెప్పలేదు.
అయితే నిన్న టీవీ9 లో చేరుతున్నట్టు స్పష్టం అయింది. టీవీ9 చీఫ్ ఎడిటర్ రజనీకాంత్ చేతుల మీదుగా జాయినింగ్ ఆర్డర్ తీసుకున్న ఫోటో సోషల్ మీడియాలో షేర్ చేసాడు. ఈ విషయం తెలిసి 'బిత్తిరి సత్తి' ఫాన్స్ మరియు తీన్మార్ వార్తలు చూసేవారు బాగా హర్ట్ అయినట్టు తెలుస్తుంది. ఇక టీవీ9 లో మన బిత్తిరి సత్తి పొజిషన్ ఏంటో త్వరలోనే తెలుస్తుంది.
