రాజమౌళి, జూ. ఎన్టీఆర్, రామ్ చ‌ర‌ణ్ కాంబినేష‌న్‌లో తెరకెక్కుతున్న ఆర్ఆర్ఆర్ సినిమాలో బాలీవుడ్ యాక్షన్ హీరో అజ‌య్ దేవ‌గ‌ణ్ కూడా న‌టిస్తున్నాడ‌న్న సంగ‌తి తెలియ‌గానే... వీరిద్ద‌రికీ త‌నే విల‌న్ ఏమో అనుకున్నారు. అయితే ప్ర‌తినాయ‌కుడ్ని ఇంకా ఎంపిక చేయ‌లేద‌ని.. రాజమౌళి తేల్చేశాడు. అప్ప‌టి నుంచీ ఈసినిమాలో ప్ర‌తినాయ‌కుడు ఎవ‌ర‌న్న విష‌యంపై ఆస‌క్తి క‌ర‌మైన చ‌ర్చ సాగుతోంది. ప్ర‌తినాయ‌కుడి కోసం హాలీవుడ్ నుంచి ఓ న‌టుడ్ని దిగుమ‌తి చేస్తార‌ని కూడా చెప్పుకున్నారు. అయితే.. జ‌క్క‌న్న దృష్టి సంజ‌య్ ద‌త్‌పై ప‌డింద‌ని స‌మాచారం.
ఈ సినిమాలో ప్ర‌తినాయ‌కుడి పాత్ర కోసం సంజ‌య్ ద‌త్‌తో చిత్ర‌బృందం సంప్ర‌దింపులు జ‌రుపుతుంద‌ని, త్వ‌ర‌లోనే ఈ విష‌యాన్ని అధికారికంగా ప్ర‌క‌టిస్తార‌ని తెలుస్తోంది. ఆర్ఆర్ఆర్ కోసం బాలీవుడ్ కూడా ఆస‌క్తిగా ఎదురుచూస్తోంది. అలియాభ‌ట్‌ని క‌థానాయిక‌గా ఎంపిక చేసిన రాజమౌళి, కీల‌క పాత్ర కోసం అజ‌య్ దేవ‌గ‌ణ్‌ని తీసుకున్నాడు. ఇప్పుడు సంజ‌య్ ద‌త్ కూడా తోడైతే.. బాలీవుడ్‌లో ఈ సినిమాకి మ‌రింత క్రేజ్ పెరుగుతోంది. మ‌రో కీల‌క‌మైన పాత్ర కోసం వ‌రుణ్ థావ‌న్ పేరు ప‌రిశీల‌న‌లో ఉన్న‌ట్టు తేలింది. మొత్తానికి ఆర్‌ఆర్‌ఆర్‌లో బాలీవుడ్ న‌టుల హావా ఎక్క‌వగానే క‌నిపిస్తోంది.
