రాజమౌళి ప్రతిష్ఠాత్మక చిత్రం 'ఆర్‌ఆర్‌ఆర్‌'లో బాలీవుడ్‌ బ్యూటీ పరిణీతి చోప్రా ఫిక్సయ్యిందని చూచాయగా సంకేతాలు అందుతున్నాయి. 'ఆర్‌ఆర్‌ఆర్‌' హీరోయిన్స్‌ లిస్ట్‌లో బాలీవుడ్‌ బ్యూటీలు పరిణీతి చోప్రా, అలియాభట్‌ పేర్లు ఉన్న సంగతి తెలిసిందే. అలియా సంగతేమో కానీ, పరిణీతి చోప్రా కన్‌ఫామ్‌ అయ్యిందని తాజాగా తెలుస్తోంది.

ప్రస్తుతం పరిణీతి చోప్రా 'కేసరి' సినిమాలో నటిస్తోంది. ఈ సినిమా ప్రమోషన్స్‌లో భాగంగా పరిణీతికి టాలీవుడ్‌కి సంబంధించిన ప్రశ్న ఎదురైంది. ఆ ప్రశ్నకు పరిణీతి పోజిటివ్‌గా స్పందించింది. 'మీరు ఎదురు చూడాలని మాత్రమే నేను చెప్పగలను.. ప్రకటనను నమ్మండి. త్వరలోనే మీకు విషయం తెలుస్తుంది..' అని సమాధానమిచ్చింది. అంటే పరిణీతి చోప్రాని 'ఆర్‌ఆర్‌ఆర్‌' కోసం ఎంచుకున్నట్లేనని ఓ ఫిఫ్టీ పర్సంట్‌ ఫిక్సయిపోవచ్చేమో.

కానీ అధికారిక ప్రకటన వస్తే కానీ హండ్రెడ్‌ పర్సంట్‌ ఫిక్స్‌ కాలేము. అది కూడా త్వరలోనే ఫిక్స్‌ అయిపోవచ్చులెండి. ఎలాగూ ఏప్రిల్‌ 14 రాజమౌళి డెడ్‌లైన్‌ పెట్టేశాడు. సినిమాకి సంబంధించి పూర్తి వివరాలు అప్పుడే వెల్లడిస్తానన్నాడు. సో కొన్ని గంటలు మాత్రమే వెయిట్‌ చేస్తే డీటెయిల్డ్‌గా ఫిక్స్‌ అయిపోవచ్చు. ఎన్టీఆర్‌, రామ్‌చరణ్‌ ప్రధాన పాత్రల్లో నటిస్తున్న ఈ సినిమాకి కీరవాణి మ్యూజిక్‌ అందిస్తున్న సంగతి తెలిసిందే.