బిగ్‌బీ అమితాబ్‌ బచ్చన్‌ కీలక పాత్రలో ముద్దుగుమ్మ తాప్సీ ప్రధాన పాత్ర పోషించిన సినిమా 'పింక్‌'. టాలీవుడ్‌లో జస్ట్‌ గ్లామర్‌ డాల్‌ అనిపించుకున్న తాప్సీ ఈ సినిమాతో బాలీవుడ్‌లో మంచి నటిగా ప్రూవ్‌ చేసుకుంది. ఘన విజయం సాధించిన ఈ సినిమాతో విమర్శకుల ప్రశంసలు అందుకోవడంతో పాటు, ఆ తర్వాత వరుసగా బాలీవుడ్‌లో అవకాశాలు దక్కించుకుని స్టార్‌ హీరోయిన్‌ రేంజ్‌కి ఎదిగింది తాప్సీ.
వివరాల్లోకి వెళితే, ఈ సినిమాని సౌత్‌లో రీమేక్‌ చేయబోతున్నారంటూ గత కొంత కాలంగా ప్రచారం జరుగుతోంది. ఆ ప్రచారం నిజమైందిప్పుడు. అమితాబ్‌ బచ్చన్‌ పాత్రలో అజిత్‌ నటిస్తున్నాడు. శ్రద్ధా శ్రీనాధ్‌, తాప్సీ పాత్ర పోషించనుంది. ఈ శ్రద్ధా శ్రీనాధ్‌ ఇంకెవరో కాదు, నేచురల్‌ స్టార్‌ నానితో 'జెర్సీ' సినిమాలో నటిస్తోంది. తమిళ, తెలుగు భాషల్లో రూపొందుతోన్న ఈ సినిమాని వినోద్‌ తెరకెక్కిస్తున్నారు. కార్తీతో 'ఖాకీ' సినిమాని తెరకెక్కించాడు వినోద్‌. సౌత్‌కి సంబంధించి కొన్ని కమర్షియల్‌ ఎలిమెంట్స్‌ జోడించబోతున్నారట.
అంతేకాదు, టాలీవుడ్‌కి సంబంధించిన ఓ ప్రముఖ నటుడు ఈ సినిమాలో మరో అతి ముఖ్యమైన పాత్ర పోషిస్తున్నాడనీ సమాచారమ్‌. బడ్జెట్ పరంగా 'పింక్‌' చిత్రం చాలా తక్కువ బడ్జెట్‌తో తెరకెక్కించారు. కానీ ఈ సౌత్‌ 'పింక్‌'ని భారీ బడ్జెట్‌తో తెరకెక్కించనున్నారట. అజిత్‌కి జోడీగా విద్యాబాలన్‌ నటిస్తోంది. బోనీకపూర్‌ నిర్మాతగా వ్యవహరిస్తున్నారు.
