ఒకే ఒక్క వీడియోతో పాపుల‌ర్ అయిపోయింది ప్రియా వారియ‌ర్‌. ఈ మ‌ల‌యాళీ భామ గురించి తెలియ‌ని వాళ్లుండ‌రు. క‌న్నుకొట్టిన వీడియోతో బాగా వైర‌ల్ అయిపోయింది. ఆ పిద‌ప సినిమా అవ‌కాశాలూ వ‌చ్చాయి. అల్లు అర్జున్ ప‌క్క‌న ఓ సినిమాలో ప్రియాని క‌థానాయిక‌గా ఎంచుకున్నారు. కానీ.. అప్ప‌ట్లో కాల్షీట్లు స‌ర్దుబాటు చేయ‌లేక ఆ ఛాన్స్ వ‌దులుకుంది.
అయితే ఇప్పుడు నాని ప‌క్క‌న జోడీ క‌ట్ట‌బోతున్న‌ట్టు టాలీవుడ్ టాక్‌. నాని - విక్రమ్‌ కె.కుమార్ కాంబినేష‌న్‌లో ఓ చిత్రం తెర‌కెక్కుతున్న సంగ‌తి తెలిసిందే. ఇందులో ఆరుగురు కథానాయికలు కనిపించబోతున్నారట. ఫిబ్ర‌వ‌రిలో ఈ చిత్రం పట్టాలెక్కబోతోంది. ప్ర‌స్తుతం ఈ ఆరుగురు నాయికల కోసం వేట ముమ్మరం చేసింది చిత్రబృందం.
అందులో ఓ పాత్ర కోసం ప్రియా ప్రకాశ్‌ వారియర్‌ను ఎంచుకున్నార‌ని స‌మాచారం. ఈ చిత్రాన్ని మైత్రీ మూవీస్‌ సంస్థ నిర్మిస్తోంది. అనూప్‌ రూబెన్స్‌ స్వరాలు సమకూరుస్తున్నారు. బ‌న్నీతో మిస్స‌యినా, నాని ప‌క్క‌న ఛాన్స్ అందుకుందంటే ప్రియ ల‌క్కీ అనే చెప్పాలి.
