మ‌హేష్ బాబు, అల్లు అర్జున్ సినిమాల‌కు బాక్సాఫీసు ద‌గ్గ‌ర నువ్వా? నేనా? అన్నంత పోటీ న‌డుస్తోంది. విడుద‌ల తేదీ విష‌యంలో, థియేట‌ర్ల విష‌యంలోనూ న‌డిచిన పోటీ.. ఇప్పుడు వ‌సూళ్ల ద‌గ్గ‌రా వ‌చ్చేసింది. మా సినిమా సూప‌ర్ హిట్టంటే, మాదే హిట్టు అంటూ పోస్ట‌ర్లు దంచి కొడుతున్నారు. తాజాగా మ‌హేష్ `స‌రిలేరు నీకెవ్వ‌రు` 200 కోట్ల పోస్ట‌ర్‌ని విడుద‌ల చేసింది. ఆ పోస్ట‌ర్ వ‌చ్చి 24 గంట‌లు గ‌డ‌వ‌క‌ముందే బ‌న్నీ `అల వైకుంఠ‌పుర‌ములో` నుంచి మ‌రో కొత్త పోస్ట‌ర్ వ‌చ్చింది. ఈసారి 220 కోట్లు వేసుకుంది బ‌న్నీ టీమ్‌. అంటే మ‌హేష్ కంటే 20 కోట్లు ఎక్కువ‌న్న‌మాట. ఇవ‌న్నీ నిజాలా ? అంటే న‌మ్మ‌లేం.
ఈ రికార్డుల‌న్నీ ఫేక్ అని సోష‌ల్ మీడియాలో జ‌నం దుమ్మెత్తిపోస్తున్నారు. అయినా స‌రే.. హీరోలు ఆగ‌డం లేదు. సంక్రాంతికి వ‌చ్చిన ఈ రెండు సినిమాలూ హిట్లే. ఎవ‌రూ కాద‌న‌లేరు. అలాంట‌ప్పుడు నీకంటే నాదే పెద్ద హిట్టు అని చెప్పుకోవ‌డానికి ఇంత తాప‌త్ర‌యం ఎందుకు ప‌డుతున్నారో అర్థం కావ‌డం లేదు. రికార్డుల వెంట ఈ ప‌రుగులు, ఈ పోస్ట‌ర్లు ఇంకెన్ని రోజులు చూడాలో..?
