ఏపీ ముఖ్యమంత్రి జ‌గ‌న్ - చిరంజీవిల భేటీ... రాష్ట్ర వ్యాప్తంగా చ‌ర్చ‌నీయాంశమైంది. వీరిద్ద‌రూ ఏం మాట్లాడుకుని ఉంటారా? అంటూ ఆరాలు మొద‌లైపోయాయి. ఏపీ ముఖ్య‌మంత్రిని టాక్స్‌ల మిన‌హాయింపు కోస‌మే క‌లుసుకున్నార‌ని వార్తలు బ‌య‌ట‌కు వ‌స్తున్నాయి. వినోద‌పుప‌న్ను మిన‌హాయిస్తే.. సైరా నిర్మాత అయిన చ‌ర‌ణ్‌కి కోట్ల రూపాయ‌లు క‌లిసొస్తాయి. అందుకే జ‌గ‌న్‌తో భేటీ అయ్యిండొచ్చు. మ‌రోవైపు ఏపీ సీఎమ్‌ని క‌లుసుకున్న చిరు.. కేసీఆర్‌ని ఎందుకు క‌ల‌వ‌లేదు? అనే చ‌ర్చ మొద‌లైంది.
కేసీఆర్‌తో చిరుకి మంచి సంబంధాలే ఉన్నాయి. కేటీఆర్‌, చ‌ర‌ణ్ మంచి మిత్రులు కూడా. అలాంట‌ప్పుడు ముందు కేసీఆర్‌ని క‌ల‌వ‌కుండా జ‌గ‌న్ ద‌గ్గ‌ర‌కు ఎందుకు వెళ్లుంటారు? అనే మ‌రో ఆస‌క్తిక‌ర‌మైన ప్ర‌శ్న ఎదుర‌వుతుంది. కేసీఆర్‌ని కూడా చిరు క‌లుసుకోవాల‌ని భావించార‌ని, అయితే కేసీఆర్ అపాయింట్‌మెంట్ దొర‌క‌లేద‌ని తెలుస్తోంది. ఆర్టీసీ స‌మ్మెవ‌ల్ల కేసీఆర్ ప్రైవేటు కార్య‌క్ర‌మాల‌కు దూరంగా ఉంటున్నారు. అందుకే చిరుతో భేటీ అవ్వ‌డం కుద‌ర‌ల్లేద‌ని స‌మాచారం. లేదంటే చిరు అటు జ‌గ‌న్‌ని ఇటు కేసీఆర్‌ని క‌వ‌ర్ చేసేసేవాడే.
