నటుడిగా ఉత్తేజ్‌ సుపరిచితుడు. పలు సూపర్‌హిట్‌ చిత్రాల్లో నటించాడు. కమెడియన్‌గా తనదైన శైలి కామెడీతో ఆకట్టుకున్నాడు. హీరో పక్కన సపోర్టింగ్‌ రోల్స్‌లో అవసరమైన చోట ఎమోషన్స్‌ కూడా పండించాడు. అయితే ఈ మధ్య ఉత్తేజ్‌ సినిమాల్లో పెద్దగా కనిపించడం లేదు. నటనతో పాటు, మల్టీ టాలెంటెడ్‌ కూడా మనోడు. సో నటనకు దూరమైనా ఇతరత్రా వ్యాపకాల్లో కాన్‌సన్‌ట్రేషన్‌ చేసినట్లు తెలుస్తోంది.
అందులో భాగంగా ఓ యాక్టింగ్‌ స్కూల్‌ని స్టార్ట్‌ చేశాడు ఉత్తేజ్‌. 'మయూఖ టాకీస్‌' పేరుతో ఈ యాక్టింగ్‌ స్కూల్‌ని రన్‌ చేయబోతున్నాడు ఉత్తేజ్‌. ఈ స్కూల్‌ ద్వారా కొత్తగా నటనపై ఆశక్తి కనబరిచే వారికి యాక్టింగ్‌ పాఠాలు చెప్పబోతున్నాడు . అంతేకాదు, డైరెక్షన్‌ విభాగంలో కూడా అవగాహన ఉంది ఉత్తేజ్‌కి. కెరీర్‌ మొదట్లోనే రామ్‌గోపాల్‌ వర్మ దగ్గర అసిస్టెంట్స్‌గా పని చేశారు ఉత్తేజ్‌.
ఉత్తేజ్‌, కృష్ణవంశీ తదితరులు అప్పట్లో ఓ బ్యాచ్‌గా ఉండేవారు. కృష్ణవంశీ తెరకెక్కించిన కొన్ని సినిమాలకు డైలాగ్స్‌ కూడా రాశారు ఉత్తేజ్‌. ఇలా ఇన్ని రకాల విభాగాల్లో పని చేసిన ఉత్తేజ్‌ తనయ చేతన కూడా హీరోయిన్‌గా తెరంగేట్రం చేసింది. చేతన హీరోయిన్‌గా ఓ సినిమాలో నటించింది. కానీ తండ్రిలా పేరు తెచ్చుకోలేకపోయింది. తర్వాత మరో సినిమాలో చేసినట్లు కూడా సమాచారమ్‌ లేదు.
