12 ఏళ్ల క్రితం మంచు విష్ణు హీరోగా తెరకెక్కిన 'ఢీ' మంచు విష్ణుకి కెరీర్‌ బెస్ట్‌ హిట్‌గా నిలిచింది. శీను వైట్ల దర్శకత్వంలో తెరకెక్కిన ఈ సినిమా తెలుగు సినిమాకి కొత్త సక్సెస్‌ ఫార్ములాని పరిచయం చేసింది. ఈ సినిమా విజయంతో ఇదే ఫార్మేట్‌లో చాలా సినిమాలు రూపొందాయి. కొన్ని విజయాలూ అందుకున్నాయి. ఆ తర్వాత ఈ ఫార్ములా మూస ఫార్ములా అయిపోవడంతో ప్రేక్షకులు బోర్‌ ఫీలయ్యారు.
ఎప్పటికప్పుడే శీను వైట్ల కొత్త కొత్త ఫార్ములాలతో ప్రేక్షకుల ముందుకొస్తుంటాడు. హిట్స్‌ లేక సతమతమవుతున్న మంచు విష్ణుకి శీను వైట్ల రూపంలో మళ్లీ హిట్టు కళ కనిపిస్తోంది. త్వరలోనే ఈ కాంబో సెట్స్‌ పైకి వెళ్లనుందట. తిరుమల శ్రీవారి దర్శనార్ధం తిరుమల తిరుపతి దేవస్థానంలో శ్రీవారి సన్నిధిలో లేటెస్ట్‌గా మంచు విష్ణు ఈ విషయాన్ని కన్‌ఫామ్‌ చేశారు. గతేడాది మంచు విష్ణు హీరోగా విడుదలైన 'ఆచారి అమెరికా యాత్ర' ఆకట్టుకోలేకపోయింది.
తర్వాత 'ఓటర్‌' సినిమాలో నటిస్తున్నాడు మంచు విష్ణు. ఇటీవల విడుదలైన ఈ సినిమా టీజర్‌కి మంచి రెస్పాన్స్‌ వచ్చింది. త్వరలో 'ఓటర్‌' సినిమా ప్రేక్షకుల ముందుకు రానుంది. ఇక తాజాగా తెర పైకి వచ్చిన శీనువైట్ల సినిమాతో మరోసారి మంచు విష్ణు బ్లాక్‌ బస్టర్‌కి సిద్ధమవుతున్నాడనుకోవాలి. మరోవైపు డ్రీమ్‌ ప్రాజెక్ట్‌ 'కన్నప్ప' ప్రస్తుతం స్క్రిప్టు పనులు జరుగుతున్నాయి.
