'భ‌లే భ‌లే మ‌గాడివోయ్‌' సినిమాతో సూప‌ర్ హిట్ కొట్టారు నాని - మారుతి. అప్ప‌ట్లో నాని కెరీర్‌లో అత్య‌ధిక వ‌సూళ్లు సాధించిన సినిమాగా నిలిచిపోయింది. మారుతి బ్రాండ్‌కూడా పెరిగింది. ఇప్పుడు వీరిద్ద‌రి కాంబినేష‌న్‌లో మ‌రో సినిమా రాబోతోంది. మైత్రీ మూవీస్ సంస్థ ఈ చిత్రాన్ని నిర్మించ‌నుంది. ఈ యేడాది ద్వితీయార్థంలో ఈ చిత్రం ప‌ట్టాలెక్క‌డం ఖాయంగా క‌నిపిస్తోంది.
ప్ర‌స్తుతం నాని కోసం ఓ క‌థ సిద్ధం చేసే ప‌నిలో ఉన్నారు మారుతి. ఆ ప‌నులన్నీ దాదాపుగా పూర్తి కావొచ్చాయి. 'శైల‌జా రెడ్డి అల్లుడు' త‌ర‌వాత.. మారుతి చేయ‌బోయే సినిమా ఇదే. ప్ర‌స్తుతం `జెర్సీ` సినిమాతో బిజీగా ఉన్నాడు నేచురల్ స్టార్ నాని. అది పూర్త‌యిన వెంట‌నే ఈ చిత్రాన్ని ప‌ట్టాలెక్కించే అవ‌కాశం ఉంది. భ‌లే భ‌లే మ‌గాడివోయ్‌కి సీక్వెల్ చేయాల‌ని అప్ప‌ట్లో అనుకున్నారు. కాక‌పోతే ఇప్పుడు మారుతి మ‌రో కొత్త క‌థ రాసుకున్న‌ట్టు టాక్‌. పూర్తి వివ‌రాలు త్వ‌ర‌లో తెలుస్తాయి.
