వెంక‌టేష్ - శ్రియ... ఇప్ప‌టికే ఈ జంట‌ని మూడుసార్లు చూసేశాం. సుభాష్ చంద్ర‌బోస్‌, గోపాల గోపాల చిత్రాల్లో వీరిద్ద‌రూ జంట‌గా క‌నిపించారు. `తుల‌సి` చిత్రంలో శ్రియ `నే చుక్ చుక్ బండినిరోయ్‌` అంటూ ఐటెమ్ పాట‌తో అద‌ర‌గొట్టింది. ఇప్పుడు వీరిద్ద‌రూ నాలుగోసారి జ‌ట్టు క‌ట్ట‌బోతున్నారు. వెంక‌టేష్ - నాగ‌చైత‌న్య‌లు క‌థానాయ‌కులుగా రూపొందుతున్న చిత్రం `వెంకీ మామ`.
నాగ‌చైత‌న్య స‌ర‌స‌న ర‌కుల్ ప్రీత్ సింగ్ ఎంపికైంది. వెంకీతో శ్రియ న‌టించ‌నుంది. బాబి ద‌ర్శ‌క‌త్వం వ‌హిస్తున్న ఈ చిత్రం ఫిబ్ర‌వ‌రిలో సెట్స్‌పైకి వెళ్ల‌నుంది. ద‌స‌రాకి విడుద‌ల చేస్తారు. సురేష్‌బాబు నిర్మాత‌గా వ్య‌వ‌హ‌రిస్తున్నారు. న‌టీన‌టులు, మిగిలిన సాంకేతిక నిపుణుల వివ‌రాల్ని చిత్ర‌బృందం త్వ‌ర‌లో ప్ర‌క‌టించ‌నుంది. `ఎఫ్ 2` విజ‌యంతో వెంక‌టేష్ సూప‌ర్ జోష్‌లో ఉన్నారు. వ‌రుస ప‌రాజ‌యాల‌తో చైతూ స‌త‌మ‌త‌మ‌వుతున్నాడు. అల్లుడిని మామే ఆదుకోవాలిప్పుడు.
