రచయితగా, డైరెక్టర్‌గా త్రివిక్రమ్‌ శ్రీనివాస్‌ చాలా విజయాలు చూశాడు. నిజానికి ఆయన కెరీర్‌లో ఇంతవరకూ పరాజయాలు లేవనే చెప్పాలి. అలాంటిది తాజాగా పవన్‌ కళ్యాణ్‌తో 'అజ్ఞాతవాసి' రూపంలో పెద్ద డిజాస్టర్‌ చవి చూశాడు. ఈ డిజాస్టర్‌ ప్రభావం త్రివిక్రమ్‌ తదుపరి చేయబోయే ఎన్టీఆర్‌ సినిమాపై పడింది. దాంతో ఈ కాంబినేషన్‌ చుట్టూ గాసిప్స్‌ చక్కర్లు కొడుతున్నాయి. 

ఎన్టీఆర్‌ ఈ సినిమా వద్దనుకున్నాడనీ, ముందుగా అనుకున్న కథను మార్చేయమన్నాడనీ రకరకాల గాసిప్స్‌ వినిపిస్తున్నాయి. అయితే ఒక్కోసారి కొన్ని కొన్ని కాన్సెప్ట్‌లు వర్క్‌ అవుట్‌ అవ్వవన్న సంగతి ఎన్టీఆర్‌కి కూడా తెలుసు. అలాగే ఈ గాసిప్స్‌ పట్ట పెద్దగా స్పందించకూడదని నిర్ణయించుకున్నారట వీరిద్దరూ. అంతేకాదు ఓ ఫ్లాప్‌ తర్వాత కాన్‌సన్‌ట్రేషన్‌ చేస్తే హిట్‌ కొట్టడం ఎలాగో ఎన్టీఆర్‌కి కూడా తెలుసు. అందుకే త్రివిక్రమ్‌కి ఆ ఫ్లాప్‌ సంగతి మర్చిపోమనీ ఎన్టీఆర్‌ సూచిస్తున్నాడట. 

ఎలాగైనా హిట్‌ కొట్టాలన్న సూపర్‌ కాన్ఫిడెంట్‌గా త్రివిక్రమ్‌ - ఎన్టీఆర్‌ ఉన్నట్లు తెలుస్తోంది. మొదట్లో ఈ సినిమాకి హీరోయిన్‌గా అనూ ఇమ్మాన్యుయేల్‌ని అనుకున్నారు. 'అజ్ఞాతవాసి' ఫ్లాప్‌తో ఆ నిర్ణయంలో కొన్ని మార్పులు చోటుచేసుకున్నాయి. అందులో భాగంగా హీరోయిన్‌ కోసం కొత్త వేట మొదలెట్టారట. త్వరలోనే హీరోయిన్‌పై క్లారిటీ రానుందట. అన్నింటికీ మించి త్వరలో ఈ సినిమాకి సంబంధించి ఓ అఫీషియల్‌ అప్‌డేట్‌ రానుందట. అదేమై ఉంటుందబ్బా అని ఇప్పుడు ఎన్టీఆర్‌ ఫ్యాన్స్‌ ఈగర్‌గా ఎదురు చూస్తున్నారు.