హాట్‌ భామ దిశాపటానీ ఐటెం సాంగ్‌ కోసం రెడీ అవుతోందట. తెలుగులో ఈ బ్యూటీ 'లోఫర్‌' సినిమాలో నటించిన సంగతి తెలిసిందే. ఈ సినిమాకి దర్శకుడు డేరింగ్‌ అండ్‌ డాషింగ్‌ పూరీ జగన్నాధ్‌. ఇప్పుడీయన 'ఇస్మార్ట్‌ శంకర్‌' మూవీని తెరకెక్కిస్తూనే మరోవైపు కొడుకు ఆకాష్‌ పూరీతో 'రొమాంటిక్‌' మూవీని నిర్మిస్తున్న సంగతి తెలిసిందే. ఈ సినిమాలో హీరోయిన్‌గా.. ఆగండాగండి దిశాపటానీ కాదులెండి. అయితే దిశాపటానీ పేరు లేటెస్ట్‌గా తెరపైకి వచ్చింది.
ఈ సినిమాలో ఓ హాట్‌ ఐటెం సాంగ్‌ ఉండబోతోందట. ఆ సాంగ్‌ కోసం దిశాపటానీని దించనున్నాడట పూరీ జగన్నాధ్‌. అవునా.? అని ఆశ్చర్యపోకండి. మీ ఆశ్చర్యానికి కూడా అర్ధముందిలే.. దిశాపటానీ ఇప్పుడు బాలీవుడ్‌లో ఓ మోస్తరు బిజీగా గడుపుతోన్న హీరోయిన్స్‌లో ఒకరు. సల్మాన్‌ఖాన్‌, హృతిక్‌ రోషన్‌ వంటి స్టార్‌ హీరోస్‌తో బిగ్‌ ప్రాజెక్ట్స్‌లో నటిస్తోంది. ఎంతో కష్టపడితే కానీ ఆ ప్రాజెక్టుల్ని పట్టలేకపోయింది దిశాపటానీ. అలాంటిది ఇప్పుడు టాలీవుడ్‌కి వస్తుందా.? అంటే వస్తుందనే అంటున్నాయి టాలీవుడ్‌ వర్గాలు.
ఎందుకంటే బాలీవుడ్‌లో బిజీగా ఉన్నా, టాలీవుడ్‌ నుండి మంచి ఆఫర్‌ వస్తే ఛటుక్కున పట్టేసుకుందామని ఎప్పటి నుండో వెయిట్‌ చేస్తోందీ హాట్‌ బ్యూటీ. ఐటెం సాంగ్‌ అంటే పెద్దగా డేట్స్‌ కూడా ఇచ్చే పని లేదు. సో దిశాపటానీ యాంగిల్‌ నుండి లైన్‌ క్లియర్‌గానే ఉందనిపిస్తోంది. కానీ ఆ ముద్దుగుమ్మ ఏమనుకుంటుందో ఎవరికెరుక.? మన పూరీగారు అయితే ఆల్రెడీ దిశాతో సంప్రదింపులు స్టార్ట్‌ చేశాడనీ గుసగుసలు వినిపిస్తున్నాయి. చూడాలి మరి 'రొమాంటిక్‌'గా అమ్మడు ఓకే చేస్తుందో.? లేదో.?
