తుఫాన్‌ ముందు ప్రశాంతత లాంటోడు రామ్‌గోపాల్‌ వర్మ. కామ్‌గా ఉన్నాడు కదా. తేలిగ్గా తీసుకోవడానికి లేదు. ముందు రాబోయే తుఫానుకిది ప్రశాంతతగా భావించాలి. ప్రత్యర్థుల్ని ముందుగానే హెచ్చరించి మరీ ట్రైలర్‌ విడుదల చేశాడు. అనుకున్నట్లే సంచలనం సృష్టించాడు. ఇక సినిమాతో వర్మ సృష్టించబోయే సంచలనమెలా ఉండబోతోందో అంటూ ఆయన ఫ్యాన్స్‌ ఎదురు చూస్తున్నారు.
అయితే 'లక్ష్మీస్‌ ఎన్టీఆర్‌' సినిమా రిలీజ్‌ డేట్‌ విషయంలో వర్మ ఇంకా క్లారిటీ ఇవ్వలేదు. కానీ ప్రస్తుతం పోస్ట్‌ ప్రొడక్షన్‌ పనులు జరుపుకుంటున్న 'లక్ష్మీస్‌ ఎన్టీఆర్‌' మార్చిలో విడుదల కానుందని అత్యంత విశ్వసనీయ వర్గాల ద్వారా అందుతోన్న సమాచారమ్‌. ఇప్పటికే పాటలతో ప్రభంజనం సృష్టిస్తున్నాడు. ఇక నెక్స్ట్‌ రాబోయేది సినిమానే.
ట్రైలర్‌లోనే సినిమాలో తానేం చూపించబోతున్నాడో చెప్పకనే చెప్పేశాడు రామ్‌గోపాల్‌ వర్మ. ఇక సినిమాలో ఇంకెన్ని నమ్మలేని నిజాల్ని నిగ్గుతేల్చాడా.? అనే ఉత్కంఠ నెలకొంది. బాలయ్య ప్రధాన పాత్రలో వచ్చిన 'ఎన్టీఆర్‌' బయోపిక్‌ రెండు భాగాలూ ఆశించిన రిజల్ట్‌ అందుకోకపోవడం వర్మ 'లక్ష్మీస్‌ ఎన్టీఆర్‌'కి కలిసొస్తుందని భావిస్తున్నారు. చూడాలి మరి రిజల్ట్‌ ఎలా ఉండబోతోందో.!
