గోపీచంద్‌ హీరోగా తెరకెక్కుతోన్న చిత్రం 'ఆక్సిజన్‌'. ఈ సినిమా త్వరలోనే ప్రేక్షకుల ముందుకు రానుంది. లేటెస్టుగా ఆడియో వేడక ఘనంగా జరిగింది. కుటుంబ సంబంధాలు, బంధాలు, ఆప్యాయతలకు పెద్ద పీట వేస్తూనే, యాక్షన్‌కీ ప్రాధాన్యత ఇచ్చారు ఈ సినిమాలో. ఎ.ఎం.జ్యోతికృష్ణ దర్శకత్వంలో తెరకెక్కింది ఈ సినిమా. రాశీఖన్నా, అనూ ఇమ్మాన్యుయేల్‌ హీరోయిన్లుగా నటిస్తున్నారు. ఈ సినిమా ఎప్పుడో విడుదల కావాల్సింది. టెక్నికల్‌ కారణాల వల్ల ఆలస్యం అవుతూ వచ్చింది. లేట్‌ అయినా కానీ సినిమా ఔట్‌ పుట్‌ బాగా వచ్చిందంటోంది చిత్ర యూనిట్‌. గోపీచంద్‌ నటన అందర్నీ ఆకట్టుకునేలా ఉంటుందట. ఇంతవరకూ యాక్టింగ్‌లో గోపీచంద్‌ తన సత్తా చూపించాడు. కామెడీ, యాక్షన్‌, సెంటిమెంట్‌ ఇలా అన్ని రకాల ఎమోషన్స్‌నీ పండించాడు. అయితే ఈ సినిమాలో గోపీచంద్‌ నటన చాలా కొత్తగా ఉండబోతోంది. అలాగే కెరీర్‌ బెస్ట్‌ పర్‌ఫామెన్స్‌ ఇచ్చేశాడట గోపీచంద్‌ ఈ సినిమాలో. హీరోయిన్స్‌ క్యారెక్టర్స్‌కీ ఇంపార్టెన్స్‌ ఉండబోతోందట. యువన్‌ శంకర్‌ సంగీతంలో పాటలు ఆకట్టుకునేలా ఉన్నాయి. అన్నట్లు యాక్షన్‌తో పాటు ఓ మంచి మెసేజ్‌నీ ఇవ్వబోతున్నారట ఈ సినిమాతో. గోపీచంద్‌ మూడు డిఫరెంట్‌ క్యారెక్టర్స్‌లో కనిపిస్తాడట. అవేంటో మాత్రం తెరపైనే చూడాలంటున్నారు. ట్రైలర్‌లో చూపించింది మాత్రం ఒక్కటే క్యారెక్టర్‌ కానీ, సినిమాలో ఊహించని సర్‌ప్రైజ్‌లు చాలా ఉంటాయట. ముద్దుగుమ్మ అనూ ఇమ్మాన్యుయేల్‌ తెలుగులో సైన్‌ చేసిన తొలి చిత్రం ఇదే కావడం విశేషం. ఈ సినిమా రిలీజ్‌ కాకుండానే ఈ ముద్దుగుమ్మ స్టార్‌ హీరోస్‌తో ఛాన్స్‌ దక్కించేసుకుని, స్టార్‌ హీరోయిన్‌ రేంజ్‌కి దగ్గరయిపోయింది. త్వరలోనే 'ఆక్సిజన్‌' ప్రేక్షకుల ముందుకు రానుంది.