గోపీచంద్ - తేజ క‌ల‌సి ఓ సినిమా చేస్తున్న సంగ‌తి తెలిసిందే. `అలిమేలు వేంక‌ట‌ర‌మ‌ణ` అనే పేరు ఖ‌రారు చేశారు. త్వ‌ర‌లోనే ఈ సినిమా సెట్స్‌పైకి వెళ్లాలి. అయితే ఈ సినిమా నుంచి గోపీచంద్ ప‌క్క‌కు త‌ప్పుకున్నాడ‌ని టాక్‌. సృజ‌నాత్మ‌క విబేధాల వల్లే, గోపీచంద్ ఈ ప్రాజెక్టు చేయ‌డం లేద‌న్న గుస‌గుస‌లు వినిపిస్తున్నాయి. క‌థ బాగున్నా, త‌నకంటే హీరోయిన్‌పాత్ర‌కే ఎక్కువ ప్రాధాన్యం ఉంద‌ని గోపీచంద్ భావించాడ‌ట. అందుకే ఈ సినిమా చేయ‌న‌ని చెప్పాడ‌ని టాక్‌. గోపీచంద్ స్థానంలో మ‌రో హీరోని వెదికి పట్టుకునే ప‌నిలో ఉన్నాడు తేజ.
మ‌రోవైపు గోపీచంద్ మారుతితో సినిమా చేసే అవ‌కాశాలు పుష్క‌లంగా క‌నిపిస్తున్నాయి. ర‌వితేజ కోసం మారుతి ఓ క‌థ సిద్ధం చేశాడు. ఆ సినిమా నుంచి ర‌వితేజ త‌ప్పుకోవ‌డంతో.. ఇప్పుడు గోపీచంద్ వ‌చ్చి చేరాడ‌ని టాక్‌. ప్ర‌స్తుతం `సిటీమార్` అనే సినిమాలో చేస్తున్నాడు గోపీచంద్. ఆ త‌ర‌వాత.. మారుతి సినిమా ప‌ట్టాలెక్కుతుంది.
