మ‌ళ్లీ రావాతో టాలీవుడ్‌లో అడుగుపెట్టాడు గౌత‌మ్ తిన్న‌నూరి. ఆ సినిమా డీసెంట్ హిట్ అనిపించుకుంది. జెర్సీతో మ‌రో సూప‌ర్ హిట్టు కొట్టి.. టాలీవుడ్ మోస్ట్ వాంటెడ్ ద‌ర్శ‌కుల జాబితాలో గౌత‌మ్ స్థానం సంపాదించుకున్నాడు. ఎన్టీఆర్‌, రామ్ చ‌ర‌ణ్‌, వ‌రుణ్‌తేజ్ వీళ్ల‌లో ఒక‌రితో గౌత‌మ్ సినిమా చేయ‌బోతున్నాడ‌ని టాక్ వినిపించింది. అయితే వీటిపై గౌత‌మ్ క్లారిటీ ఇచ్చేశాడు.

''నా మూడో సినిమా విష‌యంలో వ‌స్తున్న వార్త‌ల‌లో నిజం లేదు. ఎన్టీఆర్ నా సినిమా చూసి ట్వీట్ చేశారంతే. మేమిద్దరం క‌లుసుకోలేదు. రామ్ చ‌ర‌ణ్‌, వ‌రుణ్‌ల విష‌యంలోనూ ఇదే జ‌రిగింది. మూడో సినిమాకి క‌థేంట‌న్న‌ది ఇంకా ఓ నిర్ణ‌యానికి రాలేదు. క‌థ రాసుకున్న త‌ర‌వాతే.. హీరో ఎవ‌ర‌న్న‌ది తెలుస్తుంది. ప్ర‌స్తుతం కొన్ని రోజుల పాటు విశ్రాంతి తీసుకోవాల‌నుకుంటున్నా. ఆ త‌ర‌వాతే.. మూడో సినిమా ప‌నులు ప్రారంభిస్తా'' అంటున్నాడు. అయితే ఒక‌టి మాత్రం నిజం... గౌత‌మ్ క‌థ చెబుతానంటే ఈ ముగ్గురు హీరోల్లో ఎవ‌రైనా స‌రే - ఓకే అనేస్తారు. మ‌రి ఆ హీరో ఎవ‌రన్న‌ది చూడాలి.