నాకు ఆ డబ్బు అవసరం లేదు: హరీష్ శంకర్

By iQlikMovies - May 18, 2018 - 16:32 PM IST

మరిన్ని వార్తలు

రచయిత నుండి దర్శకుడిగా మారిన హరీష్ శంకర్ నిన్నటి నుండి వార్తల్లో వ్యక్తిగా నిలిచాడు. అయితే ఇదేదో సినిమాకి సంబంధించి కాదు, ఆయన చేసిన ఒక మంచి పని ఆయనని ఈరోజు టాక్ అఫ్ ది ఇండస్ట్రీ గా చేసింది.

ఆ వివరాల్లోకి వెళితే, తెలంగాణ రాష్ట్ర ప్రభుత్వం తాజాగా భూములున్న రైతులకి పంట వేసుకునే విధంగా ఎకరానికి రూ 4000/- చొప్పున అందచేస్తున్నారు. ఇందులో భాగంగానే దర్శకుడు హరీష్ శంకర్ కి కూడా ప్రభుత్వం నుండి ఆ నగదు అందింది.

అయితే తనకి ఆ డబ్బు అవసరం లేదు అని, అదృష్టవశాత్తు తన వద్ద తగినంత డబ్బు ఉండడం వల్ల తనకి ప్రభుత్వం నుండి వచ్చిన ఈ నగదుని తిరిగి వారికే ఇచ్చేస్తూ ఆ మొత్తానికి తన వంతుగా మరికొంత సహాయం అందచేశాడు.

ఈ డబ్బుని అవసరమున్న మరే ఇతర రైతుకి ఇవ్వమని సంబందిత అధికారులని, సర్పంచ్ ని కోరాడు. ఈ విషయం తెలుసుకున్న ప్రతి ఒక్కరు హరీష్ శంకర్ చేసిన పనికి అభినందనలు చెబుతున్నారు.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS