పవర్‌ స్టార్‌ పవన్‌ కళ్యాణ్‌ హీరోగా హరీష్‌ శంకర్‌ దర్శకత్వంలో ఓ సినిమా తెరకెక్కబోతోన్న విషయం విదితమే. ఈ సినిమా అసలు సెట్స్‌ మీదకు వెళుతుందా.? లేదా.? అన్న అనుమానాలు నిన్న మొన్నటిదాకా విన్పించాయి. కారణం, పవన్‌ కళ్యాణ్‌ ఓ వైపు రాజకీయాల్లో బిజీగా వుండడం, ఇంకో వైపు చేతిలో చాలా సినిమాలుండడమే. హరీష్‌ - పవన్‌ కాంబినేషన్‌లో సినిమా అనౌన్స్‌ అయ్యి కొన్ని నెలలు గడిచింది.
ఇంతవరకు ఈ సినిమాపై ఎలాంటి అప్‌డేట్‌ లేదు. నిజానికి, కొత్త అప్‌డేట్‌ రావాలంటే, పవన్‌ చేస్తోన్న సినిమాల్లో వేగం పెరగాలి. ఎలాగైతేనేం, 'వకీల్‌ సాబ్‌' పూర్తయ్యింది. క్రిష్‌ దర్శకత్వంలో సినిమా నిర్మాణంలో వేగం పెరగనుంది. ఆ తర్వాత హరీష్‌ శంకర్‌ దర్శకత్వంలో సినిమా చేస్తారా.? ఇంకేదన్నా కొత్త ప్రాజెక్ట్‌ని పట్టాలెక్కిస్తారా.? అన్నదానిపై భిన్న వాదనలున్నాయి.
అయితే, పవన్‌ కళ్యాణ్‌తో సినిమా అనగానే, ఆ 'పవర్‌' వేరే లెవల్‌లో వుంటుందని దర్శకుడు హరీష్‌ శంకర్‌ చెబుతున్నాడు. నిన్ననే పవన్‌ కళ్యాణ్‌ని కలిసొచ్చాడు హరీష్‌ శంకర్‌. 'పవన్‌ని కలిశాక కొత్త ఉత్సాహం వచ్చింది. గొప్ప ప్రారంభానికి ముందు అసలు సిసలు కిక్‌ లభించింది..' అంటూ హరీష్‌ శంకర్‌, పవన్‌ని కలిసిన తర్వాత చెప్పుకొచ్చాడు.
Had a long and productive meeting with our Power Star @PawanKalyan .....this is not just an excitement but an ignition to a huge start ......
— Harish Shankar .S (@harish2you) January 1, 2021
Love you
Power Star 🤗🤗 ...... @MythriOfficial @ThisIsDSP @DoP_Bose pic.twitter.com/hkKnH8KvAK
పవన్‌ కళ్యాణ్‌తో 'గబ్బర్‌సింగ్‌' రూపంలో పవర్‌ఫుల్‌ హిట్‌ కొట్టిన హరీష్‌ శంకర్‌ మీద బాధ్యత ఈసారి 'పదింతలు' అయ్యిందన్నది నిర్వివాదాంశం. మరి, ఈసారి హరీష్‌.. పవన్‌ కళ్యాణ్‌లోని 'పవర్‌'ని ఏ స్థాయిలో వాడబోతున్నాడు.? ఏమోగానీ, పవన్‌ని కలిసిన తర్వాత తనలో కొత్త పవర్‌ వచ్చిందని చెప్పడంతోనే, హరీష్‌.. ఈ సినిమాని ఇంకెంత పవర్‌ఫుల్‌గా తెరకెక్కించబోతున్నాడో అర్థమయిపోతోంది.
