హిమజ కోసం వరుణ్‌ సందేశ్‌ అతి కష్టంపై పేడ తొట్టిలో పడుకుని ఆమెని సేవ్‌ చేశాడు. కానీ, వితిక మాత్రం ఇరికించేసింది. ఇంటి కెప్టెన్‌గా వితికకు ఒకరిని డైరెక్ట్‌గా నామినేట్‌ చేసే అవకాశమిచ్చాడు బిగ్‌బాస్‌. అప్పుడు వితిక మారు మాట్లాడకుండా, హిమజను నామినేట్‌ చేసింది. మహేష్ విషయంలో హిమజ ప్రవర్తించిన తీరు వీక్షకులతో పాటు, హౌస్‌మేట్స్‌నీ విస్తుపోయేలా చేసింది. సో ఛాన్స్‌ వచ్చింది కాబట్టి, ఆ ఛాన్స్‌ని ఇన్‌ టైంలో వితిక బాగా యూజ్‌ చేసుకుంది. హిమజను నామినేట్‌ చేసి భలే ఇరికించేసింది.
ఈ పరిణామం వీక్షకుల్నీ సంతోషపెట్టింది. అలా ఈ వారం నామినేషన్స్‌లో మహేష్, రాహుల్‌తో పాటు, హిమజ కూడా జాయిన్‌ అయ్యింది. ఇక ఈ ముగ్గురిలోనూ ఈ వారం హిమజకే ఎడ్జ్‌ ఎక్కువ ఉంది హౌస్‌ నుండి బయటికి వెళ్లేందుకు. లాస్ట్‌ టైం నామినేషన్స్‌లో హిమజ జస్ట్‌ మిస్‌ అయ్యింది. వినాయక చవితి పండగ సందర్భంగా, రమ్యకృష్ణ గెస్ట్‌ హోస్టింగ్‌లో ఆ వారం నో ఎలిమినేషన్‌ కావడంతో హిమజ ఎలిమినేషన్‌ నుండి లక్కీగా తప్పించుకుంది. కానీ ఈ సారి వేటు పడేలానే ఉంది.
ఇదిలా ఉంటే, ఈ వారం కూడా ఎలిమినేషన్‌ లేదనే ప్రచారం జరుగుతోంది. మరోవైపు 50 వరోజు హౌస్‌ నుండి బయటికి వెళ్లిన అలీ రెజా రీ ఎంటీ ఇవ్వనున్నాడన్న టాక్‌ జోరుగా ప్రచారంలో ఉంది. రేపో మాపో అలీ రెజా రీ ఎంట్రీ ఉండబోతోందనీ తెలుస్తోంది. హిమజను బయటికి పంపించేసి, అలీని లోపలికి పంపిస్తారా.? లేదంటే, నో ఎలిమినేషన్‌ ఓన్లీ రీ ఎంట్రీ అంటారా.? వేచి చూడాల్సిందే.
