చిన్నా - పెద్దా అనే తేడా లేదు. ఎవ‌రైనా స‌రే, సంచ‌ల‌నం సృష్టించేందుకు అర్హులే. ఎవ‌రిలో ఎంత ప్ర‌తిభ ఉందో ఎవ‌రికి ఎరుక? అందుకే కొత్త ద‌ర్శ‌కుల‌కు సైతం ఈజీగా అవ‌కాశాలు ఇచ్చేస్తున్నారు స్టార్ హీరోలు. తాజాగా.. ఓ చిన్న ద‌ర్శ‌కుడికి.. ఎన్టీఆర్ ఆఫ‌ర్ ఇచ్చిన‌ట్టు టాలీవుడ్ లో ఓ టాక్ వినిపిస్తోంది.

ఆ ద‌ర్శ‌కుడే శైలేష్. నాని నిర్మాత‌గా రూపొందిన `హిట్‌` సినిమాతో ద‌ర్శ‌కుడ‌య్యాయి శైలేష్‌. ఇప్పుడు `హిట్ 2` కూడా వ‌స్తోంది. శైలేష్ ఓ క‌థ రెడీ చేశాడ‌ని, అది దిల్ రాజు కి వినిపిస్తే.. `ఎన్టీఆర్‌కి ఈ క‌థ బాగుంటుంది` అని స‌ల‌హా ఇచ్చి, ఎన్టీఆర్ తో సిట్టింగ్ కూడా ఏర్పాటు చేశాడ‌ని టాక్‌. దిల్ రాజు లాంటి నిర్మాతే .. ఆఫ‌ర్ ఇస్తే, ఎన్టీఆర్ ఎందుకు కాదంటాడు? అయితే.. ఇది ఓ ప్ర‌యోగాత్మ‌క సినిమా అని తెలుస్తోంది. రెండు మూడు నెల‌ల్లో సినిమా ఫినిష్‌చేయాల‌ని భావిస్తున్నార్ట‌. `హిట్` ఓ క్రైమ్ థ్రిల్ల‌ర్‌. ఈసారి కూడా క్రైమ్ స్టోరీనే ఎంచుకునే ఛాన్సులున్నాయి. అయితే ఇప్ప‌టికిప్పుడు ఈ కాంబో సెట్ అవ్వ‌డం క‌ష్ట‌మే. ఎందుకంటే.. ఎన్టీఆర్ చేతిలో కొన్ని ప్రాజెక్టులున్నాయి. మ‌ధ్య‌లో ఎప్పుడైనా కాస్త గ్యాప్ దొరికితే.. ఈ సినిమా ప‌ట్టాలెక్కించాల‌ని భావిస్తున్నారు.