'మహర్షి'లో తన టాకీ పూర్తయిపోవడంతో సూపర్‌ స్టార్‌ మహేష్‌బాబు ఫ్యామిలీతో కలిసి విదేశాల్లో ఎంజాయ్‌ చేస్తున్నారు. తరచూ ఫ్యామిలీతో విదేశాలకు వెళ్లి ఎంజాయ్‌ చేస్తూ, అక్కడి ఫోటోలను సోషల్‌ మీడియాలో పోస్ట్‌ చేసి, ఫ్యాన్స్‌ని ఖుషీ చేసే మహేష్‌బాబు ఈ సారి సౌతాఫ్రికాలో సందడి చేస్తున్నారు. 'ఎర్లీ మార్నింగ్స్‌.. లాంగ్‌ డ్రైవ్స్‌..ట్రావెల్‌ డైరీస్‌..సౌతాఫ్రికా..' అంటూ మహేష్‌ భార్య నమ్రతా శిరోడ్కర్‌ ట్విట్టర్‌లో తాజాగా పోస్ట్‌ చేశారు. మే 9న 'మహర్షి'ని ప్రేక్షకుల ముందుకు తీసుకొచ్చేందుకు ఏర్పాట్లు చేస్తున్నారు. 

దిల్‌రాజు, పీవీపీ బ్యానర్‌, అశ్వనీదత్‌ సంయుక్తంగా నిర్మిస్తున్న ఈ సినిమాకి వంశీ పైడిపల్లి దర్శకత్వం వహిస్తున్న సంగతి తెలిసిందే. రాక్‌ స్టార్‌ దేవిశ్రీ ప్రసాద్‌ మ్యూజిక్‌ అందిస్తున్నారు. పూజా హెగ్డే హీరోయిన్‌గా నటిస్తోంది. ఇదిలా ఉంటే, ఈ సినిమాలో మరో ముద్దుగుమ్మ కూడా నటిస్తోందనీ సమాచారమ్‌. 'దూకుడు' సినిమాలో టైటిల్‌ సాంగ్‌లో గ్రేస్‌ఫుల్‌గా చిందేసిన మీనాక్షీ దీక్షిత్‌ ఈ సినిమాలో ఓ ఇంపార్టెంట్‌ రోల్‌ పోషించనుందట. అది మహేష్‌కి గాళ్‌ ఫ్రెండ్‌ క్యారెక్టర్‌ అనీ సమాచారమ్‌. అల్లరి నరేష్‌ ఈ సినిమాలో మరో కీలక పాత్ర పోషిస్తున్న సంగతి తెలిసిందే.