శ‌త్రువుకి శ‌త్రువు... మ‌న‌కు మిత్రుడు అనే నానుడి రాజ‌కీయాల్లో బాగా వ‌ర్క‌వుట్ అవుతుంది. దీన్ని జ‌న‌సైనికులు నిజం చేస్తున్నారు కూడా. ప‌వ‌న్ అభిమానుల‌కూ- వ‌ర్మ‌కీ అస్స‌లు ప‌డ‌దు. ఎందుకంటే... ఎప్పుడూ ప‌వ‌న్‌ని నెగిటీవ్ కోణంలోనే చూస్తుంటాడు వర్మ‌. త‌న ట్వీట్లతో ప‌వ‌న్ అభిమానులు చాలాసార్లు నొచ్చుకున్నారు కూడా. 

అయితే.. ఇప్పుడు వాళ్లంతా వ‌ర్మ సైడ్ వెళ్లిపోయారు. 'ల‌క్ష్మీస్ ఎన్టీఆర్‌'కి స‌పోర్ట్ చేస్తున్నారు. చంద్ర‌బాబు నాయుడుని విల‌న్‌గా చూపిస్తూ వ‌ర్మ 'ల‌క్ష్మీస్ ఎన్టీఆర్‌'ని తెర‌కెక్కిస్తున్నాడు. 'ల‌క్ష్మీస్ ఎన్టీఆర్' ట్రైల‌ర్ చూస్తే... చంద్ర‌బాబుని వ‌ర్మ ఎలా చూపించ‌బోతున్నాడో అర్థ‌మైపోతోంది. చంద్ర‌బాబు ఇమేజ్ డామేజ్ క‌లిగించేలా ఈ సినిమా ఉండ‌బోతోంద‌న్న‌ది వాస్త‌వం. 

ఇప్పుడు బాబుని అడ్డుకునే ఏ ప్ర‌య‌త్న‌మైనా జ‌న‌సైనికుల‌కు న‌చ్చేస్తోంది.  అందుకే... ఈ ట్రైల‌ర్‌ని జ‌న‌సైనికులు త‌మ సోష‌ల్ మీడియా వేదిక‌ల ద్వారా షేర్ చేస్తున్నారు. `బాబు నిజ స్వ‌రూపం చూడండి` అంటూ... ట్యాగ్‌లు పెడుతున్నారు. మ‌రి ఈ ప్రేమ కేవ‌లం సినిమా వ‌ర‌కేనా, ఆ త‌ర‌వాత కూడా కొన‌సాగుతుందా?  అనే ప్ర‌శ్న‌కు కాల‌మే స‌మాధానం చెప్పాలి.