బిగ్‌బాస్‌ సీజన్‌ 3 సండే, ఫన్‌డేలో భాగంగా నాగార్జున హౌస్‌మేట్స్‌కి కొన్ని ఫన్నీ టాస్క్‌లు ఇచ్చారు. ఈ నేపథ్యంలో 'జింగిల్స్‌' అంటూ హౌస్‌మేట్స్‌పై కొన్ని పాటల్ని కంపోజ్‌ చేశారు. ఈ జింగిల్స్‌కి ఆడియన్స్‌ నుండి మంచి రెస్పాన్స్‌ వచ్చింది. అయితే, పునర్నవి జింగిల్‌ కొంత చర్చనీయాంశమైంది. పునర్నవిపై కంపోజ్‌ చేసిన జింగిల్‌లో పునర్నవి శ్రీముఖి, హిమజలపై కాలు వేసింది. సోఫాపై కూర్చొని పక్కనే ఉన్న హిమజపై ఓ సారి, శ్రీముఖిపై ఇంకోసారి కాలు మోపి ఆటిట్యూడ్‌ చూపించింది. చాలా జోష్‌గా చిందేసింది.
చిందులు సరే, శ్రీముఖి, హిమజ ఫ్యాన్స్‌ పునర్నవి తీరును తప్పు పడుతున్నారు. అసలే ఈ వీక్‌లో పునర్నవి చేసిన యాగీ అంతా ఇంతా కాదు. 'ఇంట్లో దెయ్యం నాకేం భయ్యం' అనే టాస్క్‌ని బుల్‌ షిట్‌ టాస్క్‌ని అభివర్ణించడంతో పాటు, ఆ టాస్క్‌ని వ్యతిరేకించినందుకు బిగ్‌బాస్‌ ఆగ్రహానికి గురై, విధించిన శిక్షను కూడా తప్పు పట్టింది. బిగ్‌బాస్‌ రూల్స్‌కి వ్యతిరేకంగా నడుచుకుని ఆటిట్యూడ్‌ ప్రదర్శించిందది. ఆయా కారణాలను ఎత్తి చూపుతూ వీకెండ్‌లో నాగార్జున పునర్నవిని సున్నితంగా మందలించారు.
మందలింపు చర్చల తర్వాత రెట్టించిన ఉత్సాహంతో కనిపించింది పునర్నవి. ఆ క్రమంలోనే సండే జింగిల్‌ టాస్క్‌లో పర్‌ఫామెన్స్‌తో ఇంకోసారి ఆటిట్యూడ్‌ ప్రదర్శించింది. ఆ ఆటిట్యూడ్‌కి పునర్నవి ఫ్యాన్స్‌ పండగ చేసుకుంటుంటే, శ్రీముఖి ఫ్యాన్స్‌, హిమజ ఫ్యాన్స్‌ ఫైర్‌ అవుతున్నారు. శ్రీముఖి, శివజ్యోతి, వరుణ్‌, మహేష్, బాబా భాస్కర్‌ తదితర హౌస్‌మేట్స్‌పై చేసిన జింగిల్స్‌ బాగా ఆకట్టుకున్నాయి.
