వయసు పెరిగుతున్నకొద్దీ ఈ ముద్దుగుమ్మ అందం పెరుగుతూనే ఉంది. దశాబ్ధ కాలానికి పైగానే తెలుగు తెరను ఏలుతున్న క్వీన్‌ ఈ చందమామ. అర్ధమైపోయింది కదా. అవును ఆ అందం కాజల్‌దే. కెరీర్‌లో ఎప్పుడూ ఎలాంటి గాసిప్స్‌కి తావిచ్చింది లేదు. బ్రేక్‌ లేకుండా కెరీర్‌లో దూసుకెళ్లిపోతోంది. స్టార్‌ హీరోలతో పాటు యంగ్‌ హీరోస్‌కీ జోడీ అవుతోంది.
మెగాస్టార్‌ రీ ఎంట్రీలో ఆయన పక్కన నటించే ముద్దుగుమ్మ ఎవరా? అనుకుంటున్న తరుణంలో ఠక్కున అందరి మదిలో మెదిలింది చందమామ రూపమే. అందుకే ఎంతో మంది ముద్దుగుమ్మలకు వరించని అదృష్టం చందమామ కాజల్‌ని వరించింది. ఆ తర్వాత రానా వంటి యంగ్‌ హీరోలతో ఆడి పాడి, తన వయసును ఇంకా తగ్గించుకుని, అందాన్ని మరింత రెట్టింపు చేసుకుంది. ప్రస్తుతం తమిళంలో 'ప్యారిస్‌ ప్యారిస్‌' చిత్రంలోనూ, తెలుగులో యంగ్‌ హీరో బెల్లంకొండ శ్రీనివాస్‌ హీరోగా తెరకెక్కుతోన్న సినిమాలోనూ కాజల్‌ అగర్వాల్‌ నటిస్తోంది.
సినిమాల్లో ఎంత బిజీగా ఉన్నా, అప్పుడప్పుడూ ఇలా రిలాక్స్‌డ్‌గా ఫోటో సెషన్స్‌లోనూ పాల్గొంటుంది. ఆ పిక్స్‌ని సోషల్‌ మీడియాలో పోస్ట్‌ చేసి ఇలా మురిసిపోతుంటుంది. చూశారుగా తాజా పిక్‌లో స్కై బ్లూ కలర్‌ మోడ్రన్‌ డ్రస్సులో చందమామ సిగ్గులొలికే అందం 'ఎంత సక్కగున్నాదో'.!
