కెరీర్‌ స్లో అయిపోయింది అనుకున్న టైంలో చందమామ బ్యూటీ కాజల్‌, మెగాస్టార్‌ చిరంజీవితో 150వ సినిమాలో ఛాన్స్‌ దక్కించుకుని మెగా హీరోయిన్‌ అనిపించుకుంది. అదే ఊపులో 'నేనే రాజు నేనే మంత్రి' సినిమాతోనూ వరుస హిట్‌ కొట్టింది. దాంతో కెరీర్‌ స్లో అవ్వడమేంటి ఇదీ నా స్టామినా అని ప్రూవ్‌ చేసింది ముద్దుగుమ్మ కాజల్‌ అగర్వాల్‌. 

పదేళ్లకు పైగానే టాలీవుడ్‌లో స్టార్‌ హీరోయిన్‌గా చెలామనీ అవుతోంది కాజల్‌. ఏ గాసిప్స్‌ లేకుండా ఇండస్ట్రీలో క్లీన్‌ హీరోయిన్‌ ఇమేజ్‌తో దూసుకెళ్తోన్న ఒకే ఒక హీరోయిన్‌ కూడా కాజల్‌ అగర్వాలే అని చెప్పడంలో అతిశయోక్తి కాదు. టాలీవుడ్‌లో అప్‌ కమింగ్‌ హీరోయిన్స్‌ ఎంత మంది వచ్చినా, తన స్థానాన్ని, ఉనికిని చాటుకుంటూనే ఉంది కాజల్‌. అందం, అభినయంతో పాటు, ఇన్ని స్పెషల్‌ క్వాలిఫికేషన్స్‌ ఉన్న కాజల్‌ అగర్వాల్‌ తాజాగా నటిస్తున్న చిత్రం 'అ!'. 

ఈ చిత్రానికి కాజల్‌ కాల్షీట్లు ఇవ్వడమే చాలా గ్రేట్‌. కథ నచ్చి కాజల్‌ ఈ సినిమాకి ఒప్పుకుందా అంటే, కానే కాదు, కథ పూర్తిగా తెలియకుండానే కాజల్‌ ఈ సినిమాకి ఓకే చెప్పేసిందట. ఇది షాకింగ్‌ విషయమే కదా. మరో ముఖ్య విషయం ఏంటంటే, కాజల్‌ కేవలం ఈ సినిమాకి పని చేసింది ఐదు రోజులేనట. కానీ ఈ సినిమాలో ఆమె క్యారెక్టర్‌ ఎంతో కీలకమట. ట్రైలర్‌ చూస్తే, కాజల్‌ది నెగిటివ్‌ షేడ్స్‌ ఉన్న క్యారెక్టర్‌లా అనిపిస్తోంది. హీరోయిన్‌గా ఇన్ని సినిమాల్లో నటించినా ఇవ్వని తృప్తి 'అ!' సినిమాతో నటిగా తనకు దక్కిందనీ అంటోంది కాజల్‌. తనతో పాటు ఈ సినిమాలో నటించిన ప్రతీ ఒక్కరికీ ఇదే ఫీల్‌ కలుగుతుందని నమ్మకంగా చెబుతుంది కాజల్‌. 

ఈ శుక్రవారం అందర్నీ ఆశ్చర్యపరిచేలా 'అ' ప్రేక్షకుల ముందుకు రానుంది. మరో వైపు కాజల్‌ బాలీవుడ్‌లో కంగనా రనౌత్‌ నటించిన 'క్వీన్‌'కి తమిళ రీమేక్‌ అయిన 'ప్యారిస్‌ ప్యారిస్‌'లో నటిస్తోంది.