అవునా.! చందమామా ఇది నిజమేనా.?

మరిన్ని వార్తలు

అందాల చందమామ కాజల్‌ అగర్వాల్‌ కమర్షియల్‌ హీరోయిన్‌గా పలు విజయవంతమైన చిత్రాల్లో నటించి సత్తా చాటింది. ఇంతవరకూ గ్లామరస్‌ పాత్రలతో అలరించిన కాజల్‌ ఎప్పుడూ ప్రయోగాల జోలికి పోలేదు. కానీ ఈ సారి సరికొత్త ప్రయోగానికి సై అన్నట్లు తెలుస్తోంది. తేజ దర్శకత్వంలో కాజల్‌ అగర్వాల్‌ ఓ సినిమాలో నటిస్తున్న సంగతి తెలిసిందే. బెల్లంకొండ సాయి శ్రీనివాస్‌ ఈ సినిమాలో హీరోగా నటిస్తున్నాడు. కాగా ఈ సినిమాలో కాజల్‌ పాత్రకు సంబంధించి, ఫ్రెష్‌గా ఓ అప్‌డేట్‌ హల్‌చల్‌ చేస్తోంది. 

 

ఈ సినిమాలో కాజల్‌ హీరోయిన్‌ మాత్రమే కాదట. నెగిటివ్‌ షేడ్స్‌ ఉన్న పాత్రలో కనిపించనుందట. వాస్తవానికి ఈ సినిమా కథ అంతా కాజల్‌ పాత్ర చుట్టూనే తిరుగుతుందట. సినిమాకి కాజల్‌ పాత్రే అత్యంత కీలకం కానుందట. 'నేనే రాజు నేనే మంత్రి' సినిమాలో కూడా కాజల్‌ పాత్ర చిత్రీకరణకు అత్యంత ప్రాధాన్యత ఉంటుంది. 'రాధ'గా ఆ సినిమాలో హీరోతో సమానమైన పాత్ర పోషించిన కాజల్‌ ఈ సారి 'సీత'గా ఆకట్టుకోనుందట. ఈ సీత పాత్ర పేరుకు తగ్గట్లుగా అంత సౌమ్యమైనదేం కాదనీ విశ్వసనీయ వర్గాల సమాచారమ్‌. 

 

డబ్బు పిచ్చి ఉన్న అమ్మాయి పాత్రట ఈ సీత పాత్ర. ఈ పాత్రతో తేజ, కాజల్‌లోని మరో యాంగిల్‌ని బయటికి తీసుకొచ్చే ప్రయత్నం చేస్తున్నాడట. కాజల్‌ని తెలుగు తెరకు పరిచయం చేసిన దర్శకుడు తేజ. ఇప్పుడు ఆమెలోని సరికొత్త నటిని మరోసారి పరిచయం చేసే క్రెడిట్‌ కూడా ఆయనే దక్కించుకునేలా ఉన్నాడు. అయితే ఈ వార్తలో నిజమెంతో నిలకడ మీద తెలుస్తుంది. లెట్స్‌ వెయిట్‌ అండ్‌ సీ. త్వరలో కాజల్‌ 'ప్యారిస్‌ ప్యారిస్‌' చిత్రంతో ప్రేక్షకుల ముందుకు రానుంది. 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS