నందమూరి కళ్యాణ్ రామ్ నటించిన సస్పెన్స్ థ్రిల్లర్ 118 ఈ శుక్రవారం విడుదలైంది. షాలిని పాండే, నివేదా థామస్ లు కథానాయికలు. ఎన్టీఆర్ బయోపిక్ తీవ్ర నిరాశ మిగల్చడంతో.. నందమూరి ఫాన్స్ ఆశలన్నీ 118 సినిమా మీదే. ట్రైలర్, ప్రచార చిత్రాలు ఆకట్టుకోవడంతో ఈ సినిమాపై మంచి ఆసక్తి నెలకొంది. 

తెలుగు రాష్ట్రాల్లో నిన్న రిలీజ్ అయిన ఈ సినిమా మంచి టాక్ తెచ్చుకుంది. రివ్యూలు కూడా పాజిటివ్ గానే వచ్చాయి. కలలో కనిపించిన అమ్మాయి నిజంగా ఉందా? ఉంటే ఎలాంటి పరిస్థితులు ఎదుర్కొంటోందో అని హీరో పడే టెన్షన్ ని బాగా చూపించారు. ఈస్ట్ కోస్ట్ ప్రొడక్షన్స్ బ్యానర్ లో నిర్మించబడిన ఈ చిత్రానికి సినిమాటోగ్రాఫర్ కే వి గుహన్ దర్శకుడు. 

ప్రపంచవ్యాప్తంగా విజయవంతంగా రన్ అవుతున్న ఈ సినిమా రెండు తెలుగు రాష్ట్రాల్లో కలిపి 1.4 కోట్ల షేర్ ని రాబట్టుకుంది. వీకెండ్ తో పాటు సోమవారం కూడా సెలవు కావటం బాగా కలిసొస్తుందని టాలీవుడ్ వర్గాల టాక్. కాగా, 118 సినిమా ఏరియా వైస్ కలెక్షన్స్ ఇలా ఉన్నాయి.

నైజాం: 51 లక్షలు
సీడెడ్: 24 లక్షలు
ఉత్తరాంధ్ర: 17 లక్షలు
గుంటూర్: 16 లక్షలు
కృష్ణ: 11 లక్షలు
ఈస్ట్: 10 లక్షలు
వెస్ట్: 9 లక్షలు
నెల్లూరు: 6 లక్షలు