ఇప్పుడు అంతర్జాలంలో బిగ్ బాస్ కి సంబంధించిన ఏ టాపిక్ చర్చకి వచ్చినా అందులో ప్రముఖంగా వినిపించేది కౌశల్ ఆర్మీ గురించే.. అయితే ఇప్పుడు ఆ కౌశల్ ఆర్మీ ఏ స్థాయికి చేరిందంటే ఈ రోజు హైదరాబాద్ లో కౌశల్ ఆర్మీ పేరిట ఆయనకి మద్దతుగా 2K వాక్ నిర్వహించారు ఆయన అభిమానులు.
దీనికి సంబంధించిన వీడియోస్ ఇప్పుడు సోషల్ మీడియాలో చక్కర్లుకోడుతున్నాయి. అయితే అసలు ఈ షోకి ముందు కౌశల్ గురించి తెలిసిన వారు చాలా తక్కువే అని చెప్పాలి. ఇక ఈ షో మొదలయ్యాక మాత్రం అతనికి సోషల్ మీడియా వేదికగా ఫాలోయింగ్ అనూహ్యంగా పెరిగిపోయింది.
ఇక ఇప్పటికే ఆయన టైటిల్ గెలుస్తాడు అని ఆయన అభిమానులు, టాప్ 2లో ఉంటాడు అని షో చూస్తున్న సామాన్యులు తమ తమ లెక్కలు వేసుకుంటున్నారు.
ఈ తరుణంలో ఆయన టైటిల్ గెలుస్తాడా? ఆయనకి మద్దతుగా వస్తున్న ఇంతమంది ఫ్యాన్స్ ఆశ నెరవేరుతుందా అనేది ఇంకొక రెండు వారాలు ఆగితే తెలిసిపోతుంది.
