'మహానటి'తో తిరుగులేని సక్సెస్‌తో పాటు గొప్ప నటిగా ప్రశంసలు అందుకున్న కీర్తి సురేష్‌ తర్వాత తెలుగులో ఒక్క సినిమాకీ సైన్‌ చేయలేదు. కానీ తమిళంలో వరుస సినిమాలతో బిజీగా ఉంది.
తమిళంలో బిజీగా ఉన్న కీర్తి తెలుగులో ఎందుకు సినిమాలు ఒప్పుకోవడం లేదు అంటే, అందుకు కారణం 'మహానటి'కి ముందే తమిళంలో ప్రస్తుతం తాను నటిస్తున్న చిత్రాలకు కమిట్‌ అయ్యిందట అందాల భామ కీర్తి సురేష్‌. తమిళంలో విజయ్‌, విక్రమ్‌, విశాల్‌వంటి అగ్ర హీరోల సినిమాల్లో కీర్తి నటిస్తోంది. ఈ మూడు చిత్రాలూ ప్రతిష్ఠాత్మక చిత్రాలే. తమిళంలో చేతి నిండా సినిమాలున్న కారణంగానే డేట్స్‌ అడ్జస్ట్‌ చేయలేక కీర్తి సురేష్‌ కీర్తి సురేష్‌ తెలుగులో సినిమాలు ఒప్పుకోవడం లేదట. అయితే తెలుగులో కీర్తి సురేష్‌ ఫ్యాన్స్‌ హర్ట్‌ అవుతున్నారు.
'మహానటి' తర్వాత కీర్తి నుండి మరో సినిమా లేదంటూ ఫీలవుతున్నారట. అందుకే కీర్తి సురేష్‌ త్వరలో ఓ బిగ్ ప్రాజెక్ట్‌కి గ్రీన్‌ సిగ్నల్‌ ఇవ్వనుందనీ తెలుస్తోంది. మరోవైపు తెలుగులో మెగా ప్రాజెక్ట్‌ అయిన చరణ్‌ - ఎన్టీఆర్‌ కాంబినేషన్‌లో తెరకెక్కుతోన్న సినిమా కోసం వన్‌ ఆఫ్‌ ది హీరోయిన్‌గా కీర్తి సురేష్‌తో సంప్రదింపులు జరుపుతున్నట్లు ప్రచారం జరుగుతోంది. అయితే ఈ ప్రచారంలో నిజం లేదనీ కీర్తి సురేష్‌ ఆల్రెడీ ఖండించేసింది. కానీ గాసిప్స్‌ మాత్రం ఆడగం లేదు.
చూడాలి మరి కీర్తిసురేష్‌ తెలుగులో సైన్‌ చేయబోయే ఆ క్రేజీ ప్రాజెక్ట్‌ ఏంటో.! త్వరలోనే తెలియనుందట.
