ప్ర‌ముఖ ద‌ర్శ‌కుడు కోడి రామ‌కృష్ణ ఆరోగ్యం ఆందోళ‌న‌కు గురి చేస్తోంది. ఆయ‌న ప్ర‌స్తుతం ఊపిరితిత్తుల ఇన్‌ఫెక్ష‌న్‌తో బాధ ప‌డుతున్నారు. హైద‌రాబాద్‌లోని ఓ ప్రైవేటు ఆసుప‌త్రిలో చికిత్స పొందుతున్నారు. వైద్యులు ఆయ‌న్ని మూడు రోజుల పాటు అజ్జ్వ‌ర్వేషన్‌లో ఉండాల‌ని సూచించారు. నిపుణుల ఆధ్వ‌ర్యంలో ఆయ‌న‌కు చికిత్స జ‌రుగుతోంది. వంద‌కు పైగా చిత్రాలకు ద‌ర్శ‌క‌త్వం వ‌హించారు కోడి రామ‌కృష్ణ.
ఎంతోమంది స్టార్ల‌తో ప‌నిచేశారు. స్టార్ల‌ని తీర్చిదిద్దారు. న‌టుడిగానూ రాణించారు. భ‌క్తి చిత్రాలకు కేరాఫ్ అడ్ర‌స్స్‌గా నిలిచారు. అమ్మోరు, అరుంధ‌తి చిత్రాల‌తో గ్రాఫిక్స్‌ని ఎలా వాడుకోవాలో చూపించారు. కొంత‌కాలంగా ఆయ‌న సినిమాల‌కు దూరంగా ఉంటున్నారు. ప్ర‌స్తుతం కోడి రామ‌కృష్ణ ఆరోగ్యం నిల‌క‌డ‌గానే ఉంద‌ని, వైద్యులు అనుక్ష‌ణం ఆయ‌న్ని కంటికి రెప్ప‌లా చూసుకుంటున్నార‌ని.. కుటుంబ స‌భ్యులు తెలిపారు. ఆయ‌న త్వ‌ర‌గా కోలుకోవాల‌ని సినీ అభిమానులు కోరుకుంటున్నారు. గెట్ వెల్ సూన్ సార్‌!!
