బాహుబ‌లి అంటే ప్ర‌భాస్‌.. ప్ర‌భాస్ అంటే బాహుబ‌లి..!  ప్ర‌పంచ‌వ్యాప్తంగా ఉన్న సినీ అభిమానుల మాట ఇదే. అయితే రెబ‌ల్ స్టార్, ప్ర‌భాస్ పెద‌నాన్న కృష్ణంరాజు మాత్రం అస‌లైన బాహుబ‌లి ద‌ర్శ‌కుడు ఎస్‌.ఎస్‌.రాజ‌మౌళినే అంటూ కితాబిచ్చారు. ``ద‌ర్శ‌కుడే అస‌లైన కెప్టెన్‌. గుర్రాలు ఎంత శ‌క్తిమంత‌మైనా కావొచ్చు. కానీ న‌డిపే ర‌ధ సార‌ధి స‌రైనోడై ఉండాలి. అంత సామ‌ర్థ్యం రాజ‌మౌళికి ఉంది కాబ‌ట్టే.. ఇంత గొప్ప‌సినిమా వ‌చ్చింది. తెలుగు సినిమాని అంత‌ర్జాతీయ స్థాయికి తీసుకెళ్లారాయ‌న‌. ప్ర‌భాస్ కూడా త‌న శ‌క్తికి మించి క‌ష్ట‌ప‌డ్డాడు. నా కెరీర్‌లో మూడొంద‌ల‌కు పైగాచిత్రాలు చేశా. అయితే అందులో 20 మాత్ర‌మే గుర్తుంటాయి. ఇంత త‌క్కువ వ్య‌వ‌ధిలో బాహుబ‌లిలాంటి గొప్ప సినిమా త‌న ఖాతాలో వేసుకొన్నాడు`` అంటూ ప్ర‌భాస్ గురించి చెప్పుకొచ్చారు కృష్ఱంరాజు. ప్ర‌భాస్ పెళ్లి ప్ర‌స్తావ‌న తీసుకొస్తే.. ప్ర‌స్తుతం బాహుబ‌లి 2 హంగామాని ఆస్వాదిస్తున్నానని, బాహుబ‌లి విడుద‌లైన త‌ర‌వాతే.. ప్ర‌భాస్ పెళ్లి ఉంటుంద‌ని హింట్ ఇచ్చేశారు కృష్ణంరాజు.