తమిళంలో విజయ్‌ సేతుపతి, త్రిష జంటగా తెరకెక్కిన చిత్రం '96'ని తెలుగులో రీమేక్‌ చేస్తున్న సంగతి తెలిసిందే. ఈ సినిమాలో శర్వానంద్‌, సమంతలు హీరో, హీరోయిన్లుగా నటిస్తున్నారు. ఏప్రిల్‌లో ఈ సినిమా సెట్స్‌ మీదికి వెళ్లనుంది. కాగా '96' రీమేక్‌ సినిమా టైటిల్‌ ఇదే అంటే ప్రచారం జరుగుతోంది. 'జానకీ దేవి' అనే టైటిల్‌ని ఈ సినిమాకి పరిశీలిస్తున్నారట. ఈ మధ్య ఓ టైటిల్‌ని జనంలోకి వదిలి, ఆడియన్స్‌ రెస్పాన్స్‌ ఎలా ఉందో తెలుసుకుని, అందుకు అనుగుణంగా చివరికి అదే టైటిల్‌ని ఫిక్స్‌ చేస్తున్నారు.
అలాగే '96' రీమేక్‌కి సంబంధించి ప్రచారంలో ఉన్న ఈ టైటిల్‌ని కూడా పరిగణనలోనికి తీసుకోవాలేమో. ఇకపోతే టైటిల్‌ పరంగా చూస్తే ఈ సినిమాని హీరోయిన్‌ యాంగిల్‌ నుండి ఎక్కువ ప్రాధాన్యత ఇవ్వనున్నారని తెలుస్తోంది. కాస్టింగ్‌తో పోల్చితే, యంగ్‌ హీరోల్లో ఒకడైన శర్వానంద్‌కి ప్రస్తుతం ఏమంత చెప్పుకోదగ్గ హిట్స్‌ లేవు. 'పడి పడి లేచే మనసు' నిరాశపరచడంతో రేసులో వెనకే ఉన్నాడు శర్వానంద్‌.
సమంతని తీసుకుంటే, స్టార్‌ హీరోయిన్స్‌లో టాప్‌ లెవల్‌లో ఉంది. ఆమె ఎంచుకుంటున్న పాత్రలు కూడా ప్రాధాన్యత ఉన్నవే. ఇకపోతే ఈ సినిమా విషయానికి వస్తే, తెలుగు రీమేక్‌ కోసం చాలానే మార్పులు చేస్తున్నారట. అందులో భాగంగా స్టోరీని హీరోయిన్‌ యాంగిల్‌ వైపు ఎక్కువగా టర్న్‌ చేస్తున్నారనీ తెలుస్తోంది. ప్రచారంలో ఉన్న టైటిల్‌ ఆ విషయాన్నే స్పష్టం చేస్తోంది. అయితే చిత్ర యూనిట్‌ ఈ టైటిల్‌పై స్పష్టత ఇవ్వాల్సి ఉంది.
