గ్రూప్ డాన్స‌ర్‌గా ప‌రిచ‌య‌మై, డాన్స్ అసిస్టెంట్‌గా మారి, డాన్స్ మాస్ట‌ర్‌గా ప్ర‌మోష‌న్ తెచ్చుకుని, న‌టుడై, ద‌ర్శ‌కుడై, నిర్మాత‌గానూ విజృంభిస్తున్నాడు లారెన్స్. ముని, కాంచ‌న సిరీస్‌లో వ‌చ్చిన సినిమాల‌న్నీ ఆర్థికంగా మంచి ఫ‌లితాల్ని రాబ‌ట్టాయి. ఇప్పుడు `కాంచ‌న 3` కూడా అదే జోరు చూపిస్తోంది. ఈ శుక్ర‌వారం తెలుగు, త‌మిళ భాష‌ల్లో ఈ సినిమా విడుద‌లైన సంగ‌తి తెలిసిందే. జెర్సీని ఆహా.. ఓహో అంటూ పొగిడిన విశ్లేష‌కులు... కాంచ‌న 3 విష‌యానికి వ‌చ్చేస‌రికి మాత్రం నొస‌లు చిట్లించారు. ఈ సినిమాకి దారుణ‌మైన రేటింగ్స్ వ‌చ్చాయి.
కానీ ప్రేక్ష‌కులు వీటిని పెద్ద‌గా ప‌ట్టించుకోలేదు. చాలా రోజుల త‌ర‌వాత వ‌చ్చిన మాస్ సినిమా కాబ‌ట్టి... ఊహించ‌ని రీతిలో వ‌సూళ్లు వ‌చ్చాయి. తెలుగు, త‌మిళం రెండు చోట్లా ఈ సినిమాకి ఇప్ప‌టి వ‌ర‌కూ 75 కోట్ల గ్రాస్ వ‌చ్చింది. లారెన్స్ సినిమాల్లోనే ఇది రికార్డు. తెలుగులో దాదాపు 12 కోట్లు తెచ్చుకొంది. కొన్ని ఏరియాల్లో ఇప్ప‌టికీ హౌస్‌ఫుల్స్‌తో న‌డుస్తోంది. జెర్సీతో పోలిస్తే కాంచ‌న‌నే త్వ‌ర‌గా బ్రేక్ ఈవెన్ తెచ్చుకునేలా ఉంది. లారెన్స్ దూకుడికి ఈ వ‌సూళ్లే నిదర్శ‌నం.
