ఈ వారం ప్రేక్షకుల ముందుకు రానుంది అఖిల్‌ 'మిస్టర్‌ మజ్ను'. ఈ సినిమాతో ఖచ్చితంగా అఖిల్‌ హీరోగా తన ఉనికిని చాటాల్సి ఉంది. ఇదిలా ఉంటే, ఈ సినిమాకి అన్నీ బాగా కలిసొస్తున్నాయి. సంక్రాంతికి మూడు పెద్ద సినిమాలు రిలీజయ్యాయి. కానీ వాటిలో ఒకే ఒక్క సినిమా హిట్‌ అయ్యింది. అదే 'ఎఫ్‌ 2'. ఈ సినిమా తర్వాత మరో సినిమా రాలేదు. సో గ్యాప్‌ ఎక్కువ ఉండడంతో కొత్త సినిమా కోసం ప్రేక్షకులు ఎదురు చూస్తున్నారు. 

ఇక ఈ వారం విడుదలయ్యే సినిమాలు కూడా పెద్దగా లేవు. కంగనా నటించిన 'మణికర్ణిక' ఉన్నప్పటికీ అది స్ట్రెయిట్‌ సినిమా కాదు. సో అఖిల్‌ 'మజ్ను'కి ఇది బాగా కలిసొచ్చే సమయమే. ఆడియో ఫంక్షన్‌కి ఎన్టీఆర్‌ని పిలిచి ఎన్టీఆర్‌ ఫ్యాన్స్‌ని ఇంప్రెస్‌ చేశాడు. చరణ్‌ నుండి ఆల్‌ ది బెస్ట్‌ చెప్పించుకుని, చరణ్‌తో అఖిల్‌ కలిసి ఉన్న ఫోటోని సోషల్‌ మీడియాలో పోస్ట్‌ చేసి మెగా ఫ్యాన్స్‌ని కూడా బుట్టలో వేసేశాడు. 

ఆడియో, ప్రచార చిత్రాల ద్వారా బాగానే ఆకట్టుకుంటున్నాడు . ఇన్ని ప్లస్‌ పాయింట్స్‌ మధ్య టాక్‌ ఎలా ఉన్నా, సినిమా ఫర్వాలేదనిపించడం ఖాయం. ఇక టాక్‌ బావుంటే, సినిమా సూపర్‌ హిట్‌ అవ్వడం పక్కా. ఇకపోతే నెక్ట్స్‌ వీక్‌ కూడా చెప్పుకోదగ్గ సినిమాలు లేవు. సో 'మిస్టర్‌ మజ్ను' పోజిటివ్‌ టాక్‌ తెచ్చుకుందంటే, బాక్సాఫీస్‌ వద్ద కలెక్షన్ల జోరు ప్రదర్శిస్తుందని ట్రేడ్‌ పండితులు అంచనా వేస్తున్నారు.