'ప్రేమమ్‌' సినిమాలో సింధు పాత్రలో నటించింది ముద్దుగుమ్మ మడోనా సెబాస్టియన్‌. తెలుగు, మలయాళ వెర్షన్స్‌లో నటించింది ఈ బ్యూటీ. ఈ సినిమాలో మంచి పేరు తెచ్చుకుంది. మలయాళంతో పాటు తమిళంలోనూ పలు చిత్రాల్లో నటించింది. తాజాగా ఓ ఇంగ్లీష్‌ మూవీలో నటిస్తోంది ముద్దుగుమ్మ మడోనా సెబాస్టియన్‌. 'హ్యూమన్స్‌ ఆఫ్‌ సమ్‌వన్‌' టైటిల్‌తో తెరకెక్కుతోన్న ఈ చిత్రం దివంగత మలయాళ దర్శకుడు పద్మరాజన్‌కు నివాళిగా రూపొందుతోంది. ఈ సినిమాలో నటించడం తనకెంతో గౌరవంగా భావిస్తున్నానంటోంది ముద్దుగుమ్మ మడోనా సెబాస్టియన్‌. మలయాళ బ్యూటీ అయిన మడోనా యాక్టింగ్‌ టాలెంట్‌తో పాటు ఇతర టాలెంట్స్‌ కూడా ఉన్నాయి. ఈ ముద్దుగుమ్మ మంచి సింగర్‌. ఇప్పటికే సింగింగ్‌లో పలు ప్రశంసా పత్రాలు అందుకుంది. నటనలోనూ తన సత్తా చాటుకుంది. తెలుగులో మంచి అవకాశాల కోసం ఎదురు చూస్తోంది. యాక్టింగ్‌ ఛాన్సెస్‌ ఉన్నా లేకపోయినా కానీ సంగీతం అంటే ప్రాణం అంటోంది. సంగీతాన్ని మాత్రం వదలనంటోందీ బ్యూటీ. నేచురల్‌ బ్యూటీనెస్‌తో ఎంతటి బరువైన పాత్రనైనా పోషించగల టాలెంట్‌ ఉన్న బ్యూటీ మడోనా. తెలుగులో చేసింది ఒక్క సినిమానే అయినా 'సింధు' పాత్రలో ఆమె అలా గుర్తుండిపోయిందంటేనే అర్ధం చేసుకోవచ్చు అమ్మడిది ఎంత రిజిస్టర్‌ ఫేసో. తాజాగా నటిస్తోన్న ఈ ఇంగ్లీష్‌ మూవీ 2018లో ప్రేక్షకుల ముందుకు రానుంది.