సూపర్‌ స్టార్‌ మహేష్‌బాబు డిజిటల్‌ వ్యూస్‌ కొల్లగొట్టేస్తున్నాడు. 'స్పైడర్‌' సినిమా టీజర్‌ లేటెస్టుగా విడుదలైన సంగతి తెలిసిందే. ఈ టీజర్‌ విడుదలైన కొద్ది గంటల్లోనే మిలియన్ల కొద్దీ వ్యూస్‌ని సొంతం చేసుకుంటోంది. రికార్డు స్థాయిలో వ్యూస్‌ దక్కేలా ఉన్నాయి ఈ టీజర్‌కి. మురుగదాస్‌ దర్శకత్వంలో తెరకెక్కుతోన్న ఈ సినిమా సెప్టెంబర్‌లో విడుదల కానుంది. తెలుగు, తమిళ భాషల్లో విడుదలవుతోన్న ఈ సినిమా టీజర్‌కి ఇక్కడా, అక్కడా కూడా వ్యూస్‌ ఊహించని స్థాయిలో వస్తున్నాయి. రకుల్‌ ప్రీత్‌ సింగ్‌ హీరోయిన్‌గా నటిస్తోంది ఈ సినిమాలో. తొలిసారిగా మహేష్‌తో జత కడుతోంది ఈ ముద్దుగుమ్మ. తొలిసారిగా తమిళ ప్రేక్షకుల్ని పలకరిస్తున్నాడు ఈ సినిమాతో మహేష్‌. అక్కడ మురుగదాస్‌ సినిమాలకు మంచి క్రేజ్‌ ఉంది. దాంతో తమిళంలోనూ భారీ అంచనాలున్నాయి ఈ సినిమాపై. అలాగే సూపర్‌స్టార్‌కి ఓవర్సీస్‌ మార్కెట్‌ సూపర్బ్‌గా ఉంది. అక్కడ మహేష్‌ సినిమాలకు కలెక్షన్స్‌ వర్షం కురుస్తుంది. 'స్పైడర్‌' అక్కడ మంచి బిజినెస్‌ జరుగుతోంది. మహేష్‌ క్లాస్‌ లుక్స్‌తో అదరగొట్టేస్తున్నాడు. స్కై కాప్‌ పాత్రలో మహేష్‌ కటౌట్‌ అదిరిపోతోంది. సామాజిక మెసేజ్‌ కూడా దాగి ఉంది 'స్పైడర్‌'లో. అది ఎంత వరకూ జనంలోకి రీచ్‌ అవుతుందనేది చూడాలంటే కొంత కాలం మాత్రమే వేచి చూడాలి. మరో పక్క మహేష్‌ - కొరటాల శివ కాంబినేషన్‌లో సినిమా కూడా సెట్స్‌ మీదికెళ్లేందుకు రంగం సిద్ధమవుతోంది.