'ఆచారి అమెరికా యాత్ర‌' త‌ర‌వాత మంచు విష్ణు బాగా రిలాక్స్ అయిపోయాడు. ఆ త‌ర‌వాత విష్ణు న‌టించే సినిమా గురించి ఎక్క‌డా ఏ క‌బురూ వినిపించ‌లేదు. ఆయ‌నా బ‌య‌ట ఎక్క‌డా కనిపించ‌లేదు. 'క‌న్న‌ప్ప‌' అనే స్క్రిప్టు విష్ణు ద‌గ్గ‌ర రెడీగా ఉంది. దాన్ని హాలీవుడ్ స్థాయిలో తెర‌కెక్కించ‌డానికి ప్ర‌య‌త్నాలు జ‌రుగుతున్నాయ‌ని వినికిడి. ఈసినిమా కోస‌మే విష్ణు ప్ర‌స్తుతం అమెరికాలో ఉన్నారట.

అక్క‌డ కొంత‌మంది సాంకేతిక నిపుణుల్ని ఎంచుకుని, ప్రీ ప్రొడ‌క్ష‌న్ ప‌నులు కూడా మొద‌లెట్టార‌ని టాక్‌. ఈ చిత్రాన్ని హాలీవుడ్ ద‌ర్శ‌కుడి చేతిలోనే పెట్టార్ట‌. మాస్క్ అనే ద‌ర్శ‌కుడు ఈ చిత్రాన్ని టేక‌ప్ చేయ‌నున్నార‌ని తెలుస్తోంది. బ‌డ్జెట్ దాదాపుగా రూ.50 కోట్ల పైమాటే అని టాక్‌. 

విష్ణు మార్కెట్ అందులో స‌గం కూడా లేదు. విష్ణు సినిమా సూప‌ర్ హిట్ట‌యితే .. రూ.15 కోట్ల‌కు మించి వ‌సూలు చేయ‌దు. అలాంట‌ప్పుడు రూ.50 కోట్ల‌తో సినిమా తీయాల‌నుకోవ‌డం నిజంగా రిస్కే. మ‌రి విష్ణు ధైర్యం ఏమిటో??  ఎందుకు ఇంత రిస్క్ చేస్తున్నాడో??