'కృష్ణగాడి వీరప్రేమగాధ' సినిమాతో క్యూట్‌గా ఎంట్రీ ఇచ్చిన బ్యూటీ మెహరీన్‌ కౌర్‌. ఈ మధ్యనే 'మహానుభావుడు' సినిమాతో ప్రేక్షకుల ముందుకు వచ్చింది. ఆ సినిమా ప్రమోషన్స్‌లో ఉండగానే మరో సినిమా షూటింగ్‌లో పాల్గొంది ఈ బ్యూటీ. ఆ తర్వాత వెంటనే 'రాజా ది గ్రేట్‌' సినిమాతో మళ్లీ వచ్చింది. రవితేజ హీరోగా తెరకెక్కిన ఈ చిత్రం దీపావళి కానుకగా విడుదలై విజయం సాధించింది. ఈ రెండు సినిమాల ప్రమోషన్స్‌లోనూ బిజీగా పాల్గొంది ఈ బ్యూటీ. ఓ పక్క ప్రమోషన్స్‌, మరో పక్క షూటింగ్స్‌తో యమా బిజీగా గడిపింది. మళ్లీ ఇప్పుడు తమిళంలో సందీప్‌ కిషన్‌తో నటించిన 'కేరాఫ్‌ సూర్య' రిలీజ్‌కి రెడీగా ఉంది. ఆ సినిమా ప్రమోషన్స్‌ నిమిత్తం చెన్నై టు హైద్రాబాద్‌ షటిల్‌ సర్వీస్‌ చేస్తోందట ఈ బ్యూటీ. 'రాజా ది గ్రేట్‌' ప్రమోషన్స్‌ ఇంకా పూర్తి కాకుండానే, 'కేరాఫ్‌ సూర్య' ప్రమోషన్స్‌ స్టార్ట్‌ అయిపోయాయి. మరో పక్క 'జవాన్‌' కూడా రెడీగా ఉంది. 'కేరాఫ్‌ సూర్య' నవంబర్‌ 10న రిలీజ్‌ అవుతుండగా, 'జవాన్‌' డిశంబర్‌ 1న విడుదలవుతోంది. దాంతో ఈ బ్యూటీ అస్సలు తీరిక లేకుండా గడుపుతోంది. ఈ బిజీ షెడ్యూల్‌ కొంచెం కష్టంగానే ఉన్నా, చాలా బావుందంటోంది. అంతేకాదు, అమ్మడు నటించిన ప్రతీ సినిమా హిట్‌ టాక్‌ వచ్చేస్తోంది. ఇప్పటికే హ్యాట్రిక్‌ కొట్టేసింది. మరో హ్యాట్రిక్‌కి రంగం సిద్ధం చేసేస్తోంది. 'కేరాఫ్‌ సూర్య'తో సెకండ్‌ హ్యాట్రిక్‌కి బోణీ కొట్టనుందీ బ్యూటీ. తొలి సినిమా తర్వాత కొం.చెం.. గ్యాప్‌ తీసుకున్నట్లు అనిపించినా, ఇప్పుడు గడుపుతున్న ఈ బిజీ లైఫ్‌ తనకెంతో కిక్కిస్తోందంటోంది లక్కీ బ్యూటీ మెహరీన్‌ కౌర్‌.