కలెక్షన్‌ కింగ్‌ మోహన్‌బాబు ప్రధాన పాత్రలో తెరకెక్కుతోన్న చిత్రం 'గాయత్రి'. ఈ నెల 9న 'గాయత్రి' ప్రేక్షకుల ముందుకు రానుంది. ఈ సందర్భంగా చిత్ర యూనిట్‌ ప్రమోషన్‌ కార్యక్రమాలు వేగవంతం చేసింది. ఆ క్రమంలో మోహన్‌బాబు ఓ ఇంటర్వ్యూలో సినిమా విషయమై ముచ్చటించారు. తండ్రీ, కూతుళ్ల మధ్య భావోద్వేగాలతో సాగే చిత్రమిది. ఆకట్టుకునే సెంటిమెంట్‌ సన్నివేశాలు చాలా ఉంటాయనీ ఆయన అన్నారు. అలాగే ఓ ముఖ్యమైన విషయం ఆయన చెప్పారు. 

ఈ సినిమాలోని యాక్షన్‌ సన్నివేశాల్లో మోహన్‌బాబు డూప్‌ లేకుండా, రోప్స్‌ లేకుండా నటించారట. 'వయసు మీద పడింది. మరీ అంత రిస్కీ యాక్షన్‌ సన్నివేశాలు మీకెందుకు డాడీ..' అని మంచు విష్ణు అన్నాడట. అయితే 'నో వే. నేను చేస్తాను. అది కూడా నో డూప్‌, నో రోప్‌.. కావాలంటే చేసిన తర్వాత ఆ సీన్‌ నచ్చకపోతే, సినిమాలోంచి తీసేద్దాం..' అని మోహన్‌బాబు విష్ణుతో చెప్పారట. కానీ ఆ యాక్షన్‌ సీన్స్‌ అద్భుతంగా వచ్చాయట.. 

ఈ విషయాన్ని మోహన్‌బాబు స్వయంగా మీడియాతో పంచుకున్నారు. మదన్‌ దర్శకత్వంలో ఈ సినిమా తెరకెక్కింది. మంచు విష్ణు, శ్రియ కీలక పాత్రలు పోషించారు. మరో భామ నిఖిలా విమల్‌, మోహన్‌బాబు కూతురు పాత్ర పోషించారు. బుల్లితెర హాటెస్ట్‌ యాంకర్‌ అనసూయ మరో కీలక పాత్రలో నటించింది ఈ సినిమాలో. ఇటీవల విడుదలైన ట్రైలర్‌ మంచి రెస్పాన్స్‌ అందుకుంటోంది. రెండు విలక్షణ పాత్రల్లో మోహన్‌బాబు కనిపిస్తున్నారు ఈ సినిమాలో. 

సమాజానికి ఓ మంచి మెసేజ్‌ ఇచ్చే చిత్రంగా ఈ సినిమాని మోహన్‌బాబు తన స్వీయ నిర్మాణంలో రూపొందించారు.