కలెక్షన్ కింగ్ మోహన్ బాబు తాజాగా ఒక సంచలన నిర్ణయం తీసుకున్నట్టుగా తెలుస్తున్నది.
అయితే అది రాజకీయాలకి సంబంధించి మాత్రం కాదు. ఇక ఆ వివరాల్లోకి వెళితే, మోహన్ బాబు తాజాగా నటించి, నిర్మించిన గాయత్రి చిత్రం బాక్స్ ఆఫీస్ వద్ద చతికిలపడడంతో మంచు కుటుంబం తీవ్ర నిరాశ చెందినట్టు సమాచారం.
ఇక ఈ ఎదురుదెబ్బతో మోహన్ బాబు ఒక సంచలన నిర్ణయం తీసుకున్నాడట. అదేంటంటే- ఇక సమీప భవిష్యత్తులో ఎటువంటి చిత్రాన్ని తాను నిర్మించబోను అని అదే విషయాన్నీ తన ఇద్దరు కుమారుల వద్ద కూడా ప్రస్తావించినట్టు తెలిసింది.
అయితే ఇంతటి తీవ్ర నిర్ణయం తీసుకోవడానికి కారణం గాయత్రి చిత్రం పైన ఆయన పెట్టుకున్న నమ్మకం అలాగే ఈ చిత్రంలో ఆయన పోషించిన పాత్రని అమితంగా ఇష్టపడడం అని కూడా తెలుస్తున్నది.
మొత్తానికి మోహన్ బాబు తీసుకున్న నిర్ణయం ఇప్పుడు ఇండస్ట్రీ లో హాట్ టాపిక్ గా మారింది.
