పెళ్ల‌య్యాక నాగ‌చైత‌న్య, స‌మంత క‌ల‌సి ఓ సినిమాలో న‌టిస్తున్న సంగతి తెలిసిందే. `నిన్ను కోరి`తో తొలి అడుగులోనే హిట్ అందుకున్న శివ నిర్వాణ ఈ చిత్రానికి ద‌ర్శ‌కుడు. `మ‌జిలీ` అనే టైటిల్ ఈ సినిమా కోసం పెడుతున్నార‌ని ముందు నుంచీ ప్ర‌చారం జ‌రుగుతూనే ఉంది. ఇప్పుడు దాన్నే ఖ‌రారు చేశారు. ఈ సినిమాకి సంబంధించిన ఫ‌స్ట్ లుక్‌ని కూడా విడుద‌ల చేశారు. 'దేర్ ఈజ్ ల‌వ్‌.. దేర్ ఈజ్ పెయిన్‌' అనే క్యాప్ష‌న్ కూడా పెట్టారు.

విశాఖ‌ప‌ట్నం నేప‌థ్యంలో సాగే ప్రేమ‌క‌థ ఇది. మ‌రో క‌థానాయిక‌గా దివ్యాంక కౌశిక్ న‌టిస్తోంది. ఆమెకు ఇదే తొలి చిత్రం.  ప్రేమించి పెళ్లి చేసుకున్న ఓ జంట‌.. అనుభ‌వాల్ని తెర‌పై చూపిస్తున్నాడు ద‌ర్శ‌కుడు. అంటే.. చై - స‌మంత త‌మ నిజ జీవిత పాత్ర‌ల‌నే పోషిస్తున్నార‌న్న‌మాట‌. ఇదో రొమాంటిక్, ఫీల్ గుడ్ సినిమా. అవ‌న్నీ టైటిల్‌లోనూ, ఫ‌స్ట్ లుక్‌లోనూ కనిపిస్తున్నాయి. ఈ యేడాది వేస‌విలో ఈ చిత్రం విడుద‌ల‌య్యే అవ‌కాశాలున్నాయి.