నాగ‌చైత‌న్య - స‌మంత జంట‌గా న‌టించిన చిత్రం `మ‌జిలీ`. శివ నిర్వాణ ద‌ర్శ‌క‌త్వం వ‌హించిన ఈ చిత్రం ఇటీవలే విడుద‌లై మంచి టాక్ తెచ్చుకుంది. బాక్సాఫీసు ద‌గ్గ‌ర ప్ర‌తీవారం కొత్త సినిమాలు వ‌స్తున్నా `మ‌జిలీ` జోరు ఇంకా కొన‌సాగుతూనే ఉంది. ఇప్ప‌టి వ‌ర‌కూ 60 కోట్లు తెచ్చుకుని - అక్కినేని గ‌త రికార్డుల్ని బ‌ద్ద‌లు కొట్టేసింది. సోగ్గాడే చిన్ని నాయిన రికార్డుల్ని నాగ‌చైత‌న్య దాటేశాడు. 

నైజాంలో దాదాపు 12 కోట్లు తెచ్చుకున్న మ‌జిలీ, సీడెడ్‌లో రూ.4 కోట్లు దాటింది. ఈస్ట్‌, వెస్ట్ క‌లిపి రూ.3 కోట్లు సాధించింది. గుంటూరులో 2 కోట్లు వ‌చ్చాయి. ఓవ‌ర్సీస్‌లో రూ.3.5 కోట్లు సాధించింది. మొత్తానికి  తొలి 17 రోజుల‌కు 60 కోట్ల గ్రాస్ తెచ్చుకుంది. షేర్ ప‌రంగా చూస్తే 35 కోట్ల వ‌ర‌కూ లెక్క తేలింది. చైతూ కెరీర్‌లోనే కాదు, అక్కినేని హీరోల సినిమాల్లోనే ఇవే అత్య‌ధిక వ‌సూళ్లు.