మైత్రీ మూవీ మేకర్స్‌ బ్యానర్‌లో తెరకెక్కుతోన్న నాగ చైతన్య కొత్త చిత్రం 'సవ్యసాచి'. చందూ మొండేటి దర్శకత్వంలో ఈ సినిమా తెరకెక్కుతోంది. గతంలో చందూ మొండేటి - చైతూ కాంబినేషన్‌లో వచ్చిన 'ప్రేమమ్‌' మంచి విజయాన్ని అందుకుంది. దాంతో తాజా చిత్రంపై అంచనాలున్నాయి. అందులోనూ డిఫరెంట్‌ కాన్సెప్ట్‌ మూవీ ఇది. తాజాగా ఈ చిత్రం షూటింగ్‌ లొకేషన్‌కి చైతూ అటెండ్‌ అయ్యాడు. చైతూ - సమంతల వివాహం తర్వాత నాగ చైతన్య షూటింగ్‌కి హాజరు కావడం ఇదే తొలిసారి. కొత్త పెళ్లి కొడుకు కదా. ముఖంలో ఆ కళ ఉట్టి పడుతోంది. ఫ్రెష్‌ అండ్‌ హ్యాండ్‌సమ్‌ లుక్స్‌తో తళతళలాడిపోతున్నాడు చైతన్య. ఈ సినిమాలో నిధి అగర్వాల్‌ హీరోయిన్‌గా నటిస్తోంది. ఆన్‌ లొకేషన్‌కి అమ్మడు కూడా తాజాగా ఎంట్రీ ఇచ్చింది. అందుకు సంబంధించిన ఫోటో ఒకటి సోషల్‌ మీడియాలో పోస్ట్‌ చేసింది చిత్ర యూనిట్‌. తమిళ హ్యాండ్‌సమ్‌ హీరో మాధవన్‌ ఈ సినిమాలో కీలక పాత్రలో నటిస్తున్నాడు. ఎడమ చేయి పని చేయని యువకుడి పాత్రలో చైతూ కనిపించబోతున్నాడు ఈ సినిమాలో. ఇప్పటికే విడుదలైన ఫస్ట్‌లుక్‌కి మంచి రెస్పాన్స్‌ వచ్చింది. పెళ్లి కారణంగా గ్యాప్‌ తీసుకున్న చైతూ ఇకపై ఫాస్ట్‌గా షూటింగ్‌ కంప్లీట్‌ చేయాలనుకుంటున్నాడట. కాగా డైరెక్టర్‌ మారుతి దర్శకత్వంలో చైతూ మరో సినిమా చేయబోతున్నాడు. 'శైలజారెడ్డి అల్లుడు' అనే టైటిల్‌ని ఈ సినిమాకి అనుకుంటున్నారు. మాంచి ఫ్యామిలీ ఎంటర్‌టైనర్‌గా ఈ సినిమా తెరకెక్కుతోంది. శైలజా రెడ్డి పాత్రలో రమ్యకృష్ణ నటించనున్నట్లు సమాచారమ్‌. 'సవ్యసాచి' పూర్తి కాగానే ఈ సినిమాని పట్టాలెక్కించేయనున్నాడట నాగ చైతన్య.