'హ్యాపీ డేస్‌', 'లీడర్‌' తదితర క్లాస్‌ మూవీస్‌తో సూపర్‌ హిట్లు కొట్టిన శేఖర్‌ కమ్ములది డైరెక్టర్స్‌ అందరిలోనూ సెపరేట్‌ దారి. సెలెక్టివ్‌గా సినిమాలు చేస్తాడాయన. కానీ, సినిమాలో మంచి విషయం ఉండేలా చూసుకుంటారు. ఆయన లాస్ట్‌ మూవీ 'ఫిదా' అన్ని వర్గాల వారినీ ఫిదా చేసింది. మెగా ప్రిన్స్‌ వరుణ్‌తేజ్‌కి హిట్‌ ఇవ్వడంతో పాటు, సాయిపల్లవి వంటి టాలెంటెడ్‌ యాక్ట్రెస్‌ని టాలీవుడ్‌కి గిఫ్ట్‌ ఇచ్చింది. ఈ సినిమా తర్వాత శేఖర్‌ మ్ముల మరో క్లాసిక్‌ స్టోరీని ప్రిపేర్‌ చేశాడట. ఈ స్టోరీకి కూడా మన హైబ్రీడ్‌ పిల్లనే హీరోయిన్‌గా ఎంచుకోవాలనుకుంటున్నాడట.
తనను టాలీవుడ్‌కి పరిచయం చేసిన శేఖర్‌ కమ్ముల అడిగితే సాయిపల్లవి కాదనదు కదా. అయితే, ఈ సినిమాలో సాయిపల్లవితో జోడీ కట్టబోయే ఆ హీరో ఎవరనుకుంటున్నారా.? నాగచైతన్య. ఇటీవలే ఈ అక్కినేని బుల్లోడు 'మజిలీ'తో బంపర్‌ హిట్‌ కొట్టాడు. సో తన కథలో రాకుమారుడు చైతూనే అని శేఖర్‌ కమ్ముల ప్రకటించాడు. అంటే శేఖర్‌ కమ్ముల డైరెక్షన్‌లో చైతూ బుట్టలో మరో హిట్టు పడనుందేమో అనుకోవాలి.
ఆగస్ట్‌ నుండే ఈ సినిమా రెగ్యులర్‌ షూటింగ్‌ స్టార్ట్‌ కానుందట. 'మజిలీ' తర్వాత చైతూ అఫీషియల్‌ ప్రాజెక్టులేమీ అనౌన్స్‌ చేయలేదు కానీ, సాయి పల్లవి మాత్రం ప్రస్తుతం 'విరాటపర్వం' సినిమాలో నటిస్తోంది. రానా ఈ సినిమాలో హీరోగా నటిస్తున్నాడు. వేణు ఉడుగుల దర్శకత్వం వహిస్తున్నాడు.
