రాజశేఖర్‌ హీరోగా తెరకెక్కుతోన్న 'కల్కి' ఈ నెల 28న ప్రేక్షుల ముందుకు రానుంది. ఈ సందర్భంగా సినిమా ప్రమోషన్స్‌ని వేగవంతం చేశారు. సోషల్‌ మీడియా వేదికగా వినూత్నంగా సినిమాని ప్రమోట్‌ చేస్తున్నారు. 'అ'తో దర్శకుడిగా పరిచయమైన ప్రశాంత్‌ వర్మ ఈ సినిమాకి దర్శకుడు. ఇప్పటికే విడుదలైన పోస్టర్స్‌, ప్రోమోస్‌ సినిమాపై అంచనాల్ని పెంచేలా ఉన్నాయి. ఆదాశర్మ, నందితా శ్వేత హీరోయిన్లుగా నటిస్తున్నారు. సో సినిమాకి ఉండాల్సినంత గ్లామర్‌ పాళ్లూ కూడా ఉన్నాయి.
రాజశేఖర్‌ నటించిన 'గరుడవేగ' సినిమాలో సన్నీలియోన్‌ ఐటెం సాంగ్‌ ఓ ఊపు ఊపేసింది. అలాగే ఈ సినిమాలోని 'హారన్‌ ప్లీజ్‌' సాంగ్‌ కూడా ట్రెండింగ్స్‌లో నిలిచింది. ఈ సాంగ్‌ని ప్రమోట్‌ చేస్తూ, రాజశేఖర్‌ కూతురు శివాత్మిక, కో స్టార్‌ ఆనంద్‌ దేవరకొండతో కలిసి సినిమా ప్రమోషన్స్‌లో పాల్గొంటోంది. ఈ సాంగ్‌కి వీరిద్దరూ చేసిన డాన్స్‌ క్లిప్పింగ్‌ నెటిజన్స్‌ని కాస్త డిఫరెంట్‌గా ఎట్రాక్ట్‌ చేస్తోంది. వీరిద్దరూ కలిసి 'దొరసాని' సినిమాలో నటిస్తున్న సంగతి తెలిసిందే. ఎట్‌ ఏ టైమ్‌ ఇటు 'దొరసాని'నీ, అటు తండ్రి సినిమా 'కల్కి'ని ప్రమోట్‌ చేసేస్తోంది తెలివిగా శివాత్మిక.
ఇక 'కల్కి' బిజినెస్‌ విషయానికి వస్తే, శాటిలైట్‌ రైట్స్‌, డిజిటల్‌ రైట్స్‌ భారీ మొత్తంలో అమ్ముడుపోయాయట. సో 'కల్కి' నిర్మాతలు ఈ విషయంలో హ్యాపీగా ఉన్నట్లు సమాచారమ్‌. రాజశేఖర్‌కి సెంకడ్‌ ఇన్నింగ్స్‌లో వచ్చిన 'గరుడవేగ' మంచి విజయం అందించింది. బాక్సాఫీస్‌ వద్ద ఈ సినిమా భారీ వసూళ్లు కొల్లగొట్టింది. ఈ ఇంపాక్టే ఇప్పుడు తాజా సినిమా బిజినెస్‌ని ప్రభావితం చేసింది. ఏది ఏమైతేనేం బిజినెస్‌ పరంగా 'కల్కి' సేఫ్‌ జోన్‌లో ఉన్నాడు. ఇక విడుదలయ్యాక కంటెంట్‌ని బట్టి ఫైనల్‌గా సినిమాకి ఎలాంటి తీర్పునిస్తారో ఆడియన్స్‌.. వేచి చూడాలిక.
