నాగార్జున కెరీర్‌లో 'హలో బ్రదర్స్‌' సినిమా ది బెస్ట్‌ మూవీగా చెప్పవచ్చు. ఆ సినిమా ఆయన కెరీర్‌ని ఓ మలుపు తిప్పింది ఆ సినిమాకి సీక్వెల్‌ చేయాలని నాగ్‌ ఎప్పట్నుంచో అనుకుంటున్న సంగతి తెలిసిందే. బాలీవుడ్‌లో కూడా ఈ సినిమాని రీమేక్‌ చేశారు. అక్కడ కూడా ఈ సినిమా సూపర్‌ హిట్‌ సాధించింది. తెలుగులో ఈ సినిమాకి సీక్వెల్‌ చేయాలన్న నాగ్‌ ఆలోచన కార్యరూపం దాల్చేలా ఉంది. ఆ సినిమాలో నాగార్జున డబుల్‌ రోల్‌లో నటించగా, ఒకవేళ ఈ సినిమాకి సీక్వెల్‌ తీస్తే కనుక ఆ సినిమాలో నాగార్జునతో పాటు నాగ చైతన్య, అఖిల్‌ కూడా నటించనున్నారట. అయితే నాగార్జున, చైతూ, అఖిల్‌ ముగ్గురూ అన్నదమ్ములుగా కనిపిస్తారా? లేక నాగ్‌ కీలకపాత్రలో నటించి, చైతూ, అఖిల్‌ అన్నదమ్ములుగా కనిపిస్తారా అనేది ఇంకా తేలాల్సి వుంది. 'హలో బ్రదర్‌' కి సీక్వెల్‌లా కాకున్నా, ఆ స్థాయిలో ఎంటర్‌టైన్‌ చేసే సినిమా అవుతుందని అంటున్నారు ఈ సినిమాని. దాదాపుగా ఈ ప్రాజెక్టుకు కథ ఓకే అయ్యిందని సమాచారమ్‌. మిగతా డీటెయిల్స్‌ని త్వరలోనే వెల్లడిస్తామంటున్నారు నాగార్జున. అంతేకాదు ఈ సినిమాని తన సొంత బ్యానర్‌లో తెరకెక్కించాలన్నదే నాగ్‌ ఆలోచనట. మరో పక్క తాజాగా 'నమో వేంకటేశాయ' సినిమాతో అందర్నీ ఆధ్యాత్మిక మైకంలోకి తీసుకెళ్లిపోతున్నాడు నాగార్జున. నాగార్జున కెరీర్‌లో మరో మంచి సినిమాగా నిలిచిపోనుంది 'ఓం నమో వేంకటేశాయ'. ఈ సినిమాలో నాగార్జున నటనకి ప్రశంసల వర్షం కురుస్తూనే ఉంది.