టాలీవుడ్‌ మన్మధుడు నాగార్జున, నేచురల్‌ స్టార్‌ నానితో కలిసి మల్టీ స్టారర్‌లో నటిస్తున్నారన్న సంగతి తెలిసిందే. ఈ సినిమాకి యంగ్‌ డైరెక్టర్‌ శ్రీరామ్‌ ఆదిత్య దర్వకత్వం వహిస్తున్నాడు. నలుగురు యంగ్‌స్టార్స్‌తో 'శమంతకమణి' అనే సస్పెన్స్‌ మూవీని తెరకెక్కించిన డైరెక్టరే ఈ శ్రీరామ్‌ ఆదిత్య. ఈ సినిమా ఆశించిన స్థాయిలో విజయం అందుకోకపోయినా, నలుగురు హీరోలను మేనేజ్‌ చేస్తూ శ్రీరామ్‌ రాసుకున్న స్క్రీన్‌ప్లేతో, కొందరు క్రిటిక్స్‌ని ఎట్రాక్ట్‌ చేసిందనే చెప్పాలి. 

కమర్షియల్‌గా విజయం అందుకోకపోయినా, సినిమా టేకింగ్‌ బాగుందని ప్రశంసలు అందుకున్నాడు ఈ యంగ్‌ డైరెక్టర్‌. ఇప్పుడు తాజాగా చేయబోతున్న ఈ మల్టీ స్టారర్‌ అయితే పక్కా కమర్షియల్‌ ఎంటర్‌టైనర్‌ అట. నాగార్జున - నాని కలయిక సూపర్బ్‌ కాంబినేషన్‌. వినోదం పండించే స్టోరీ అంటే ఇంకేముంది ఖచ్చితంగా అన్ని వర్గాల వారినీ ఎట్రాక్ట్‌ చేస్తుంది. వినోదం పండించడంలో ఇద్దరికిద్దరూ దిట్టే. మంచి స్టోరీ కుదిరింది. ఇక ఈ ఇద్దరూ కలిసి ఒకే స్క్రీన్‌పై కనిపించి, చూసే ప్రేక్షకులకు నవ్వుల పంచడమే తరువాయి. త్వరలోనే ఈ సినిమా పట్టాలెక్కనుందట. 

ఈ నెల 24న లాంఛనంగా ఈ సినిమాని ప్రారంభించి, త్వరలోనే రెగ్యులర్‌ షూటింగ్‌కి సర్వం సిద్ధం చేయనున్నారట. సీనియర్‌ నిర్మాత అశ్వనీదత్‌ ఈ చిత్రాన్ని నిర్మిస్తున్నారు. మరో పక్క నాగార్జున ప్రస్తుతం రామ్‌గోపాల్‌ వర్మ సినిమాలో నటిస్తున్నారు. దాదాపు సగం వరకూ ఈ సినిమా చిత్రీకరణ పూర్తయ్యిందనీ ఇటీవలే రామ్‌గోపాల్‌ వర్మ ఓ ఇంటర్య్వూలో అన్నారు. ఇక నాని 'కృష్ణార్జున యుద్ధం' సినిమాతో బిజీగా ఉన్నాడు. ఈ సినిమా కూడా దాదాపు చిత్రీకరణ చివరి దశకు చేరుకుంది. ఇక ఈ ఇద్దరూ కలిసి శ్రీరామ్‌ ఆదిత్య చిత్రం కోసం అతి త్వరలోనే రంగంలోకి దిగనున్నారన్న మాట.