నాని ‘అ’ చిత్రం గురించి తెలిసిన నాటి నుండే ‘అ’ చిత్రం పైన బోలెడన్ని అంచనాలు పెరిగిపోయాయి.
అందులోనూ ‘అ’ చిత్రంలో నటించేందుకు భారీ తారాగణం ముందుకిరావడం వారితో పాటుగా స్టార్ హీరో రవితేజ ఇందులో వాయిస్ ఓవర్ ఇస్తుండడంతో ఈ చిత్రం మార్కెట్ పరనగా కూడా మంచి స్థాయికి చేరింది. అయితే ఈ చిత్రానికి హాలీవుడ్ లో 2007లో వచ్చిన ఒక చిత్రానికి పోలికలు కనిపిస్తున్నాయి అంటూ వార్తలు ఇప్పుడు షికారు చేస్తున్నాయి.
ఆ వార్తలని ఒకసారి పరిశీలిస్తే- ‘అ’ చిత్రం హాలీవుడ్ చిత్రం ‘రటౌలీ’ నుండి స్ఫూర్తి పొందినట్టుగా ఉంది అని అలాగే అక్కడ ‘ఎలుక’ ప్రధానపాత్ర పోషిస్తే ఇక్కడ ‘చేప’ అని పోలికలు చూపెడుతున్నారు. అయితే మరి అదేమో యానిమేషన్ ఫిలిం ఇదేమో ఫీచర్ ఫిలిం అలాగే అందులో ఇందులో కథా వస్తువుకి చాలా భేధాలే కనిపిస్తున్నాయి.
మరి ఇటువంటి పోలికలు ఎందుకు వస్తున్నాయో తెలియదు కాని మొత్తానికి ఇటువంటి వార్తలు సదరు చిత్ర ప్రమోషన్ కే బాగా ఉపయోగపడతాయి. ఇంకొక పది రోజులు ఆగితే ఈ వార్తల్లో నిజమెంత అనేది ఇట్టే తెలిసిపోతుంది.
